牛蜱熱????

牛蜱熱早發现有得醫架!不過，你隻西施狗真係情况麻麻，擔心都冇用，信得過醫生先會俾隻狗佢醫，預備定隻20kg健康1-7歲大型狗輸血啦!狗狗冇血庫架!又要用即時新鲜既血去輸，冇血就真大鑊，成3千蚊袋血(好鬼貴,有fd試過)，祝你好運，狗狗健康！

牛蜱小百科
又到炎炎夏日，各種昆蟲滋生得「特別旺盛」。狗主要留意其中一種對狗隻特別危險的生物：牛蜱（Tick），因為牠們間接可奪走愛犬的性命。
破壞紅白血球
Babesia寄生蟲會破壞紅血球。在患病初期，狗隻可能只是缺乏胃口，這時狗主未必能發現牛蜱而不以為然。Babesia發作和蔓延得頗快，若沒有適當治療，數天已可致命。Ehrlichia則會減少白血球、血小板及紅血球。由於血小板的減少，狗隻血液不能凝固而引起出血情況。淋巴腺亦會影響而發炎。Ehrlishia則比Babesia的病情蔓延得慢，通常可在數星期或數月才死亡。
影響免疫系統
Babesia與Ehrlichia可怕的地方還不止於此，最不幸的情況是涉及免疫系統的併發症。那時，狗隻的的免疫系統因已分不清哪些是外來的敵人，會錯誤地破壞自己的血細胞（包括紅白血球及血小板），這些都令病情更趨惡化。診所有一種測試（Saline Agglutination test）能快速疹斷此種併發症。若患上此併發症必須留意，就算Babesia及Ehrlichia也能治好，狗隻仍有機會死亡。
診斷
Babesia能透過血液樣本測試發現，但這只是初步診斷出有此病的跡象。要完全證實狗隻是否患上，必須在血液樣本中找到寄生蟲或靠獸醫的經驗作判斷。 Ehrlichia則較難在血液樣本中診斷，但血細胞的數目卻可反映出患病的可能性。另一診斷方法是檢查狗隻有否寄生蟲的抗體存在，如呈陽性反應則有可能是過去曾受感染或現在正患有此病。
藥物治療
治療Babesia的方法是注射Imidocarb（Imizol）或Dimininasene（Berenil）。此種藥物需小心使用，因為藥物有毒性，份量不對會引致中毒。所以使用前應詳細詢問你的獸醫有關錯誤服用的後果。病情嚴重的更有需要輸血。
至於醫治Ehrlichia，狗隻會服用Doxycycline約三星期。另會視乎病情嚴重性而注射Imizol。
預防方法
解鈴還須繫鈴「蟲」，首要做的當然是杜絕牛蜱了。已有牛蜱的，最好半個月用Frontline一次；一個月用一次則可起預防作用。一些專去除牛蜱的洗澡液有輕微毒素，若過量及不小心使用是會影響狗隻皮膚的，最好請教獸醫。另外，多些替狗兒梳毛，留意牠的身體狀況，也能及早察覺和預防。

2007-05-30 16:59:05 補充：
關於牛蜱熱請參考:http://www.hkvet.com/chinese/cdog16.htm

我有兩隻狗狗養咗都有13年,因為寄養而感染牛蜱熱,初初以為得BB感染倒,BB好可憐而家都醫咗有一個月啦!留院都住咗8日,重要輸血添,出醫後又覆咗幾次診啦!但佢驗咗雖然已經冇牛蜱菌,但做紅血球功能好慢,所以到現在重要食類固醇,至於小巢係上星期先開始發病,佢就冇BB咁嚴重,只係打牛蜱針同食葯d紅血球已經升到35度啦!係BB比較令人擔心.呢次嘅經歷真係令我打擊好大,差d連BB都救唔返.希望你隻狗狗可以快d出醫啦!

2007-06-07 12:49:45 補充：
我昨晚同BB覆診,BB同樣紅血球都係得25度,醫生話佢製造紅血球相當之慢,同樣都曾經見過有狗狗以後都係呢個度數,護士再次安慰我,佢此終年紀咁大,行得'食得' 瞓得咪ok囉!我只有接受,以後只有小心d照顧佢哋.

以下係我之前回答人地,但當時因為太緊張都唔係好聽得清楚醫生講佢有牛蜱熱嘅邊種菌,好似係紅血球好低咁啦

我隻狗幾年前就有呢種病啦,係我發現既,開頭覺得佢精神無乜野,但成身就熱咁囉,唔理啦,梗係帶去睇醫生先啦,狗狗唔會同你講佢有幾辛苦服架,咁去到醫生話佢發消,牙肉好白,己懷疑架啦,後尾驗埋血就證實係囉,後來打針食藥囉,醫左成個月架,不過唔係枕住睇,係開頭打針食藥,跟住過左唔記得好似兩個星期再去打多一次針食藥,就無事啦,但醫生話佢己經係帶菌者啦,要保持身體好,低抗力要好呀,唔係會復發架,好在,個女到而家都好幾年囉,仲好好

我隻狗約3星期前也是有牛蜱熱, 好彩發現得早, 住了院3天, 輸了血一次血

我隻狗入院時驗血色素偏低, 醫生決定即時要入院, 其間打針, "掉"鹹水, 我每天都去睇距非常擔心, 第3天醫生再驗血回復正常水平因此可以出院了, 但出院後亦要吃2星期藥, 我家除了這隻外尚有5隻狗, 醫生話有機會傳染, 因此叫我多留意其他的狗狗有無事, 特別是有2隻只有3星期大的

我想你也不用太擔心, 會好反嫁, 我今晚都帶狗狗去覆診啦! 要再驗多次血睇下病毒是否完全清除, 希望你狗狗早日康復, 快d出院啦!