二手居屋問題

✔ 最佳答案

1. 你用綠表買二手居屋, 所有銀行都會用25年減樓齡嚟同你計, 冇一間例外, 因為所有居屋政府都只會做25年擔保, 除非你補咗地價就不受此限。

2. 你用綠表買二手居屋銀行俾出嚟o既plan唔多, 市面上好多plans都只係俾私樓同補咗地價o既居屋, hibor已經一定冇。銀行職員話, 你用綠表買二手居屋唔使補地價本身已經係一種優惠, 所以唔會再有太多優惠。我上年都試過用綠表買二手居屋, 問咗11間銀行, 結果揀咗工商銀行, 當時佢o既plan係, 第一年p-3.2, 次年開始p-3到尾, 仲有0.9%現金回贈, 兼送信用卡。另, 創興、建設、大新、花旗、富邦、荷蘭銀行二手居屋未補地價不接受申請。

總之你要記住, 用綠表買二手居屋唔係間間銀行都肯做按揭, 肯做o既銀行俾出嚟o既plan都冇得太多揀。