已經26喇　仲係單身　請各位指教

等我同你一齊分析,希望幫到你啦.(我係女仔,用女仔心態睇你啦)

自問真係唔係靚仔的話,就可以突出自己其他優點.例如你好講得笑,你咪可以將呢樣野多d show出呢囉.
講真,人好現實,第一眼點都睇表面,你先要表面吸引,先可以令人睇你內在嫁~
但你外在唔吸引的話,加上你d言行較保守的話,好難令人留意你.你幾好幾專一都無用,唔係有咁多人一睇就睇內在.

好似我有個男仔朋友,佢樣唔靚仔,可以話好醜,又唔高,但佢好多野講,令人地同佢一齊好開心,唔悶,又鐘意搞笑,所以都幾容易有女朋友,佢而家個女友好靚嫁!!

至於你對人專一,誠懇唔係白痴,絕對係優點,所以我有以下意見:

1. 首先話俾自己聽,專一,誠懇唔係白痴.呢個世界無毒男,只係鑽石未打磨加工者.增加自信. 造你知,無自信,連男人都唔鐘意你.

2. 可以的話,將自己打扮下囉~唔係誇張刻意個d喎. 如,你好鐘意打波,咪可以將自己打扮得陽光d囉,一呢唔誇,二你又舒服.打扮只不過係要突出自己優點.(好似女人扮靚咁.肥咪著深色,高咪著短裙囉)重點係令自己有一個個人形象.

3. 學習一下"壞"~男人唔可以24小時都咁正直.咁只係悶囉!壞,者係又係一d時候要口花花.有d時候又搞下d驚喜囉.情趣,氣氛其實個個都識搞,只係在乎你用唔用心機搞者.

4. 要學識分輕重,尊重同分配時間.你可以打波,不過唔係要打到女友都唔得閒理囉.你人生都唔係得打波啦.而且同女友一齊時,唔好同人講好長電話唔理佢等呢d行為.你都咁大個,知咩叫平衡嫁啦~

**提提你,而家d男仔成日有個心態,就係一識就要人做女友,做左又要即日上床.呢D心態唔要得,就算佢做左你女友,我90%可以肯定唔會長囉.感情都係要了解同用心建立,呢D"快餐"都能會傷害任何一方.到時真係做左毒男啦!
最後~自己消化我講的同試下啦~支持你呀!!有問題,再研究啦!

i am girl ar, you can send mail to me, nice to meet you!

首先要多謝上面咁多位
因為本人同佢情況差唔多
但我已踏出第一步,去充實自己,可以去讀書
又或者多D約fd出去,等自己冇咁悶,唔好亂諗
之後若有目標就要加倍努力,得固然好,唔得咪當識多個朋友囉
其實呢個世界好多唔靚仔都有個靚女朋友架
得唔得事在人為,唔好因為怕失敗而乜都唔做
比D信心自己,一齊努力啦

一句講曬~你未遇到你o既miss right姐
其實唔洗心急~感情呢d野~要黎哥時阻都阻唔到~係你o既始終都係你o既~
不過人為方面~~都要做d野o既~
例如見到自己中意o既人~主動d囉
人地同你講中意你~如果你都中意人地o既~咪試下一齊囉
機會係要自己去把握架!
中意幫人係冇問題~但係你要知道個界線去到邊~唔係咩都幫得~特別係如果你第時有左女朋友o既話~好有可能女朋友會呷醋架^^
祝你好運啦

你都係得果 26歲, 你唔係前人0地結婚你就想結的
你係要真係見到個你喜歡的先諗拍拖 law..
你對個個女仔都咁好...喜歡你 d 女仔都走 la...
佢0地反而覺得你好濫的
做返自己 la...點解要咁樣難為自己???
如果係我, 我想要自己男朋友只對我一個人好就得了....
我覺得咁你代表佢重視我
而且, 你係男仔, 得 26歲, 好話唔好聽都仲叫好後生 ar !
如果你都覺得自己唔係太差, 就唔好咁執著搵女朋友, 緣份的野,
係你就係你的, 我聽繁 d語氣, 你都好 young, 我指心景, 未到 35歲 都唔駛擔心 la..
家下又女的多過男的咁多, 我0地做女仔的, 反而仲驚 la...
大不了你0地男仔又可以係大陸搵女人...係唔係先??
你試下 join d 活動, 搵 d 野學, 識多 d 人 la..咁你個圈子人了, 你會有女朋友的了
成日同死一班玩, 識唔到的, 一係就識 d唔正經的女仔, 有什麼謂??

你成日對什麼女仔都咁好....lee 一個先係你最大的缺點, 令你搵唔到女朋友
有什麼就比什麼 d 女仔, 你咁好容易比 d 女仔玩同要 你 d 錢咋
唔係要你請食飯, 就係請睇戲, 又會屈你買野呢? 你身家有幾多 ar ?
要唔要用晒你 d 咁貪心的女仔身上先安樂?

對人好係好事, 但最弊你對個個女仔都咁好呢, 所以你身邊係有好多女性朋友, 不過無一個想做你女朋友。因為在女性立場, 佢只需要你對佢一個好, 最好當其他女仔死既。

你有良心係優點, 不過你都唔需要咁直接話個女仔架, 好HURT架! 其實你份人係會為打波而放棄一切個隻, 係咪呢? 如果係, 我知道點解你餐餐都失敗, 邊有女仔喜歡男友寧願打波都唔得閒陪自己吖!

有好女仔, 你又唔珍惜, 你唔去改下你的態度, 好難搵到女朋友。而且你都好矛盾, 一時又話會為個女仔做到你可以做既, 但一時又話自己喜歡打波唔得閒陪人, 究竟你知唔知自己想點? 搞清楚自己的思想先啦!

仲有呀, 你班男友都痴線既, 追女仔為搞野, 咩朋友呀? 教壞你就真啦!

隨緣啦，　呢ｄ野要黎果陣擋都擋唔住，　佢唔黎果陣你要點強求都無用～
你會唔會係太少時間去陪女友既呢～　你應該係ｄ做朋友好過做情人既人～　
唔好太過緊張啦～　ｔａｋｅ　ｉｔ　ｅａｓｙ～～～　而家襯住仲未有拖拍，　好好享受埋自己鐘意去邊玩就去邊玩既日子～　有拖拍果陣又唔好話沽得太緊個女仔（會嚇怕人架）

單身既男仔好多啦.....擔心收埋響心啦都係.....
好多3十幾既事業冇成. 月搵月駛....拖都拍唔起, 做野地方又識唔到人.....
都係咁過啦....男仔......男人.....
放心啦..........

中意人就人人都會, 好多時遇到自己中意果類......都會有中意既感覺....
不過要人地識你先得嫁......要人地都中意你先得嫁.....
比心機啦.....緣份既野.....話唔埋既.
我都唔細得過你.....我都擔心....
不過我唔係為拍拖而拍拖...我都單身.....
為長久而一齊既目標~~~~~努力啦

smile more and join more activty to meet some friends in the hoilday