月經問題~

我自己個case同你一樣﹏
我永遠都唔會知佢幾時會黎....
但我由十幾歲岩岩黎時已經係咁（我依加廿幾）
但通常如果冇黎的日子都會係因為我病（我成日都病），
就算係小病（唔洗睇醫生）都係唔會黎m，
又或者果排壓力大，
有時會一個月黎兩次﹏
你話有冇問題，我真係答唔到你﹏
不過我就真係從來未「準時」過囉！
但我本身就唔覺得有咩問題﹏
如果你係擔心的話我建議你去下家計會，
睇下佢地會唔會可以幫到你﹏
多口問句，
其實你以前黎m準唔準架？
因為聽聞其實每個人的生理週期都唔同﹏
唔一定係around 28日架﹏
但如果你話真係太離譜就最好去睇下醫生，
尤其時如果你係突然期變得不定﹏
仲有，你黎左m幾耐呢？
因為岩岩開始黎m頭一、兩年d時間係幾波動的﹏
但會隨住黎的年份增加而變得穩定囉﹏

想正常啲緊係睇醫生啦！我之前同你差不多..最耐嗰次三个幾月呀！

我有去睇醫生...醫生話我身體冇乜問題...所以開左啲賀爾蒙藥同維他命等比我。

我見佢話冇咩事咪唔食藥lor.....維持左幾年啦....係不知不覺唔知點解正常返,正常左有兩年多。

睇醫生啦！可能有一些你唔知既問題....我都睇完醫生先放心啲咋

可以去搵家庭醫生幫你睇下, 或去家計會