救命-狗糧問題-急急急!!!!

你可以試吓買一隻叫 " Yarrah " 0既狗糧俾佢食, 呢隻係天然糧, 100% organic, 冇鹽, 冇味棈, 冇防腐劑, 可以好放心俾你隻狗狗食, 我隻狗狗都食緊. 呢隻牌子喺歐洲好hit, 但香港人可能會比較陌生, 可能因為價錢較貴(2.5kg 賣 $150), 又冇乜做宣傳, 所以冇乜人識.

如果你搵唔到呢隻牌子的狗糧, 你可以買Canidae或Timerwolf, 兩隻都係天然糧, 但唔係100% organic. 我隻狗狗三隻牌子都食過, 以我觀察, 佢最鍾意食Yarrah, 其次係Canidae, 最唔鍾意係Timerwolf, 可能因為Timerwolf陣味臭(我個人覺得) 0既關係啦, 佢好勉強至肯食三幾粒, 食到好似誓願咁呀! 其實狗糧除咗要對狗狗有益之外, 佢鍾唔鍾意食都好緊要, 如果佢唔鍾意食, 幾有益都冇用啦, 係咪?

至於便便臭0既問題, 係便便都臭架啦! 無論食乜嘢狗糧都臭架啦, 分別只係臭, 定係好臭0既啫, 因為狗乾糧始終較為熱氣, 所以啲便便實臭架, 你可以試下俾少少蘋果你隻狗狗食, 食啲生果, 便便會冇咁臭, 但絕大部份0既生果佢都唔食得, 蘋果就最安全啦, 但記得要批皮喎, 如果係BB狗, 就要磨成茸至好俾佢食喎, 一粒粒食, 驚佢會哽親呀!

至於食便便問題, 佢應該係生蟲呀! 你有冇幫佢杜過蟲呀? 每個月都要食一次杜蟲藥架, 普通0既狗舖都會有得賣, 10蚊一粒左右, 比較好(可以殺多兩種蟲)0既大約要20蚊一粒. 你可以買嚟試吓.

P.S. Yarrah, Canidae同Timerwolf都有試食裝, 你可以去相熟或大間的狗舖攞俾你隻狗狗試食, 睇吓佢鍾意食邊隻, 再決定買邊隻牌子啦.

我之前又係同佢地轉左食FOUNDATION呀,D便便又臭又多,仲好多眼糞添呀...呢隻糧勁熱氣呀...未食晒包糧就開始同佢轉糧喇...不過呢隻糧既好處係好快可以谷肥D狗狗...我囡囡食左呢隻糧好快就大隻好多...但仔仔就唔多鐘意食,反而瘦左...

之後我同佢地轉番食NV百利,D便無咁臭,無眼糞...
另外Canidae都幾好,佢地之前都有食過,d便少d同無咁臭,又無眼糞...

甩毛會唔會因為係換毛呀?如果係皮膚痕生粒粒,你最好比佢食三文魚,會比較好d...
不過皮膚痕可能係因為最近天氣朝濕

其實好難講返隻糧先岩你隻狗狗,要佢自己試過先知...你最好就拎多幾包sample比佢試下先,試過佢肯食再買包細既返黎試...無問題先買大包...

PURINA 普瑞納 幼犬羊飯配方 狗糧 (含DHA)好好呀!

普瑞納 ONE 幼犬羊飯配方 4磅裝

‧ 適合2歲或以下幼犬、懷孕或哺乳中的母犬
‧ 與母乳一樣含DHA，能促進視力及智力發展
‧ 含豐富魚油提供充足Omega-3及Omega-6脂肪酸，幫助骨骼及肌肉更健康強壯
‧ 含天然成份的葡萄糖氨，有效促進關節健康
‧ 新鮮羊肉為第一主要成份
原裝行貨 , 現餘 4 包 ,

每包 $50 .

狗狗d便便臭而且仲有食便便既行為，最大原因可能係狗狗既腸胃唔好，proplan係一般商業狗糧，品質冇天然糧咁好，但foundation呢隻天然糧比較油性，其實對腸胃敏感既狗狗唔係太好，你可以俾d改善腸胃既補充品狗狗食，例如乳酸菌，另外可選擇其他牌子既天然糧，再睇下狗狗情況有冇改善吧。你亦可試下我隻狗狗食緊既狗糧，叫azmira，此狗糧有排毒作用，我隻狗食左之後d腸胃就好左好多，你可瀏覽以下的網址參考:
http://www.pet28.com/profile.asp?id=18110
http://www.pet28.com/profile.asp?id=16361

以我所知狗狗食便便係缺乏某種營養,而你試左兩次唔同狗糧都冇改善可能隻狗本身腸胃問題~試試比一些蘋果/橙和菜佢食,便便異味會好一點,記得比多d鈣片狗仔食呀!我的狗都係食pro-plan拾幾年了..

AVO, 其中有隻菜糧, 我d狗狗食咗後, 便便同尿尿都無咗臭味, 因為係用牛油果做主要成份. 對皮膚都好好. 個人意見, 可以試下

你可以試下timerwolf 的"羊蘋果collection, 此品真的不錯, 但可能price比較貴, hope to helpful with u

2007-05-30 03:29:03 補充：
(revised) 你可以試下timberwolf 的"羊蘋果collection, 此品真的不錯, 但可能price比較貴, hope to helpful with u