買NDS時，應注意甚麼？

當然係格價,貨比三家不吃虧,睇多幾間,可以O既話,O係唔同區域睇,一定穩陣.
如果仲係驚,當然去有信譽O既連鎖店,如百老匯等,一定靠得住,但價錢當然相對貴少少.
試機要驗屍咁驗,一手機動軋過千,二手都幾百(再加上有人用過而家想放),一定要CHECK 清楚.
機身大則睇裂紋,小則睇花痕.一手有花痕不可接受,二手就算可接受都睇下可唔可以壓低一O的個價.
開機睇有冇問題,白畫面睇有冇死點.
推下大細聲,之後入PICTOCHAT模式,用輕觸筆四圍畫,睇下TOUCH SCREEN反應是否正常.
之後入GAME帶試,我會用MARIO CART.你未買機,如果冇GAME問人借.
一開始會有個黑底白字畫面,趁機睇下有冇光點.
O係主目錄.用輕觸筆及按鈕選項,A制決定,B制回前一頁.上下制會作選項.選SINGLE PLAYER之後,"RECORD"同"OPTION"左右平排,可以試左右制有冇反應.
進入比賽,R制會令車跳一下.L制掟寶物.Y制及觸螢幕轉地圖.START制暫停.如果咁多個制都冇事,我假設部機反應良好.
如果你有GBA帶可以試埋GBA槽.
最好搵個朋友帶部機去,睇下連線功能正唔正常.
如果以上咁多項都滿意,你部機有99%操作正常.可以俾錢.

睇下係咪水貨