cookies的整法

我相信你都知道網上邊有好多曲奇既食譜
要知道邊d係可以用模造既
你可以睇下佢材料果part
其實用得發粉梳打粉果d都會澎漲, 如果你用模造形,到時佢都會發漲左變形架

多數會用模既曲奇都講到明會用模既,或者叫你用手搓形---按扁---

蛋唔一定落哂成隻, 落得太多蛋會發大好多同埋口感唔同左架
佢叫你用蛋白你就用蛋白, 半隻蛋就半隻蛋
食譜講乜你就做乜, 相信佢唔會呃你既! = )


e+夏天天氣好熱! 要造可以用模既曲奇要將麵糰雪下佢, 同埋要開冷氣啦! 抬面可以灑d麵粉令d麵糰無咁癡台架~

下面我介紹你一個好味又可以用cookies模整出黎的cookies既食譜吖﹗

至於整cookies係咪一定要落發粉and係咪可以用晒成隻egg呢個問題，係唔需要既，其實好睇你係整邊一類既cookies，其實只要你明白點解要落發粉或雞蛋係d cookie 度，你就可以單看食譜就大概知道cookies的質感同口感。落發粉會令到d cookie 係焗既時候遇到空氣而澎漲，咁d cookie 食落去就會鬆化d，但係一般用cookies模整出黎的cookies都唔會落發粉，如果唔係d cookie 焗完出黎多數都會變形架﹗至於雞蛋，會增加cookies麵糊的水份，如果冇落雞蛋既cookie，一般都會係d脆餅。至於你講話有D食譜話淨係用蛋白，唔知你係咪講緊d蛋白餅呢？不過，無論點都最好跟食譜做，唔可以食譜話要落而你唔落呀﹗^_^ Enjoy Baking!

--------------------------------------------------------------------------------

簡易曲奇，曲奇中有香甜的蜜糖味道及芳香的香草味﹗

--------------------------------------------------------------------------------
用具：

曲奇模、麵棍、木板

--------------------------------------------------------------------------------


材料：﹝28 ~ 30 塊﹞


‧　已熔化的牛油　半杯
‧　蜜糖　1/3 杯
‧　香草香油　半茶匙
‧　麵粉　2 1/4 杯

--------------------------------------------------------------------------------

作法：


﹝1﹞　將牛油、蜜糖及香草香油加入較大的容器中，輕輕的混勻。

﹝2﹞　將 1/2 杯的麵粉加入容器中內，再輕輕混勻。再將淨下的麵粉分二至三次加入容器中，直至完全混勻。

﹝3﹞　用手將麵糰分成兩個同樣大小的麵團，用保鮮膜包裹著麵糰然後放入雪箱冷藏 15 分﹝切勿冷藏太久﹞。

﹝4﹞　將烤箱預熱 180 度。取出麵糰，在木皮上灑上份量以外的麵粉，用麵棍將麵糰壓至約九吋大的圓形。

﹝5﹞　牛油紙放在烤盤上。壓平的麵糰壓出曲奇圖案，然後小心的放在烤盤上。用淨的麵糰搓回球形、壓平、壓出曲奇圖案，直至用完麵糰。

﹝6﹞　曲奇放入烤箱烘烤約 12 至 14 分鐘，將曲奇烘至金黃色。　即成。

--------------------------------------------------------------------------------

注意事項：

○　蜜糖的份量可以加多 1 至 2 湯匙，因為太多會影響曲奇的品質。