YOKI, 如何判斷細股是屬於炒股或莊家股??

YOKI, 很想請教你如何判斷那些細價股是屬於炒股或莊家股??

炒股，就是一些只靠消息，仍然還未見到實際收益的股票，現時見到的只是靠估，沒有合理數據可以參考以供分析！但股價已經升了很多，但盈利又是不是增加咁多？

莊家股，即是一些供求已被少數人操縱，你看圖表，佢劃圖表！


另外, 你說挑選那些潛在升幅較高的股票時,一定要選那些橫行一段時間,跌又跌唔落,無乜成交,PE較低的細價股,是這樣嗎??

橫行的作用，是代表經過收貨階段，有心人一路壓實，等於一匹馬被扣實，當橫行日子越長，盈聚的力就會越大，當這個壓力一釋放出來，就會如井噴，火山爆發一樣！

跌又跌唔落的作用是估計風險在那裡！

無乜成交的實際意思是成交淡靜，即代表當時冇人留意，股價此時多數是低位，當成交多的時候，已開車了！

ＰＥ低的原因是現是很多股票的ＰＥ已經很高，看最近ＩＰＯ的成績，就算幾有質素的股票，訂價太高都再冇乜空間上，所以新不如舊，舊股有好多平嘢，為何一定要買跑新馬那場，有人貪佢冇包袱（即冇阻力位），實際高ＰＥ上市ＩＰＯ已經咩住個包袱！本人認為揸低ＰＥ的股票，風險較低！當然唔係逢ＰＥ低的股票都去買，都要研究下點解低！

細價股，是指市值較細的公司，市值太大真係炒唔起，唔通你炒起匯豐，建行咩，市值大的股是有機構投資者打莊，你一係跟佢搭順風車，跟本散戶好難鬥贏佢，所以不敵則避之！



YOKI WONG
圖片參考：http://hk.yimg.com/i/icon/16/5.gif