已有正職，想攞個護士牌，可以從咩渠道？part time prefer.... thx

「護士牌」係指由「護士管理局」發出既「註冊護士」同埋「登記護士」。「註冊護士」通常讀４年，而且通常係大學學位。「登記護士」一般讀２年。

可註冊為「登記護士」既學位及高級文憑課程只有港大、中大及理大提供。有full-time，有part-time。基本上全部都要收AL Bio的學生，中大冇寫，但相信中大都會吸納AL Bio學生。值得一提既係理大提供既高級文憑一樣可以註冊為「註冊護士」，香港沙灘排球代表隊的沙排美少女就係理大讀緊Nursing高級文憑。在大學讀Nursing的學生全部都要在畢業前考取一張急救證書，先可以註冊為「註冊護士」，我在大學考取急救證書時的拍擋正是一名Nursing學生。

「登記護士」課程由各大醫院的護士學校及社署提供，不是大學或大專程度，但亦是一個專業資格。值得一提既係社署的full-time護士訓練班，只需中五學歷，唔使理科底，仲係唔使畀$的，但畢業後要幫社署打返兩年護士工，否則就要磅水。

坊間有ｄ在港修讀的外國大學Nursing學位課程，但果ｄ不但註冊唔好，而且連個degree都哈哈哈。

護士基本上可分三種，一是有「護士牌」的；二是私人診所的；三是St. John的。頭先以講左「護士牌」的啦，而家講下二同三。私人診所基本上有中五就OK，唔使理科，有ｄ積極既人會去進修下ｄ相關既cert仔。St. John護士一定要係女性，姊妹們只須考一張急救證書，然後加入St. John，即可成為聖約翰救傷隊的護士。

此外，Post-grad都有Nursing讀，但課程唔可註冊，亦要申請人大學主修Nursing畢業。

根據發問者提供既個人背景，不論full-time or part-time，能入讀一個Nursing學位並不樂觀，因為佢係文科人，冇AL Bio。如果在社署讀兩年full-time，又要放棄現有職位，可見投身護士行業都幾難！唔怪得護士而家有工冇人做啦！

2007-06-03 01:48:46 補充：
理大既part-time Nursing degree係畀已獲取可註冊為「註冊護士」的高級文憑的人去讀既。合乎入讀資格既人本身已經係「註冊護士」，讀既目的只係想取一個學位。現時，亦有持高級文憑，並在醫院執業的「註冊護士」在城大攻讀公共行政學位，以取另一範疇的degree。

多謝您的回應，很詳細~^_^

護士無得part time讀o既
你要讀nursing
只可以入u/搵間護士學校收你
讀u full time無人工,仲要一年比4萬幾學費,讀4年
如果nursing school,收你讀登記護士
有D有人工比你
不過而家大部份都冇人工,有D仲要比學費
如果係社署搞個個要你讀完個兩年既COURSE
再響社署既機構服務返兩年

我覺得你而家第一樣係要考慮左自己經濟負唔負擔得起囉
因為讀書果時FULL TIME,仲要輪更,考試
你想出去做份PART TIME都冇可能既