我想問下日文其實自己學難唔難,特別係對一個初歌梨講,仲有網上文法邊到有

您好！我都係自學日語ge,都係由零開始,都只係為興趣!
如果您真有興趣,就一d都唔覺難,只會越學越中意,我自己尤其中意文法,因為好想知道日語句子ge構造;單詞方面,就更好玩,同文好相似,學起上黎,事半功倍ga...

但我初時都唔知點開始好,文法基礎呀完全都唔識,又唔知用咩書好,后來我專心用向日葵出版社ge"日本語90日"(因為書內註明,學完等於3級程度),呢套書分3冊(每冊30課),每冊都有教師用書,即係答案同解析分開放响另外一本書;所謂90日即係話,如果您可以一日做一課,90日就會學成,我覺呢套書好好,循序漸進,內容包羅了生字,文法同會話,非常全面,我就係靠呢套書,由零開始到8個月,考到3級啦....

呢套書可以响公共圖書館借到,或者您可以借來睇睇,啱feel 先買啦,不過,每冊連教師用書,大約百零蚊啦...(頭2冊我都只係靠圖書館借)

至於您話日語網頁,只要隨便打"日語論壇"都會有好多好多,但我常睇ge係"咖啡日語論壇"http://coffeejp.com/bbs/

咁基礎文法ge 網站就更多啦,例如 : http://www.linguist.com.tw/JAPClass/j_grammar/j_grammar_index.htm

祝您成功!!

2007-05-30 16:26:55 補充：
又或者您可以去學初級先,打打底,不過,初級d老師....不如買材料自學,而家網上資源又多,又有cd呀咁,d發音好正中添...

我覺得學一種語言, 由真人教授比較易掌握.
你可以見倒佢個口形同發音, 有時齋聽 cd 或 上網就根本唔知個音點發.

學一種語言真係要學好多詞彙, 反而文法比較易記. 好似英文咁, 你明個 how 字, 仲要跟好多嘢先至組倒句子嫁.

而片假名多用在外來語度. 就好似我地平時叫 巴士, 唔叫 公共汽車 一樣.

我建議你可以平平地, 去 工聯會 齋學初班. 然之後至自學.

其實我覺得日文既文法算係几簡單架喇! 對我黎講, 反而單字先係最難應付既事...我哩度有個網址几好架, 佢有好多個LESSONS, 可以教到你几多日文文法..睇下丫: ^^
http://japanese.about.com/blbasic.htm

it is quite easy if u have a basic knowledge of the language