澳門二日一夜

去澳門當然係買Package平d啦, 正如上面位網友所說, 去中旅睇下, 你所指的1000元左右, 是否指1000元房價的酒店, 定係訂票價錢每位1000元? 因為會有分別的, 下面介紹幾間比較符合你要求的:
1. 萊斯: 直接在漁人碼頭內, 漁人碼頭本身就是一個必去的景點, 而且內有一個巴比倫賭場, 又有大量有水準的食店, 唯一缺點就是酒店本身沒有設施, 連健身室和泳池都冇, 外面有巴士站和的士站, 對面係金沙賭場, 附近係皇朝區, 夜晚可以睇下海景, 飲野食野宵夜都一流。淨房價9xx--10xx元。(酒店以歐陸式裝修)
2. 星際: 在永利隔離, 是澳門最高的酒店, 各種娛樂設施齊全, 唯一是泳池仍未開放, 賭場大而靚, 房間豪華, 又大又靚, 部分房間可以看到海景, 單論房間, 我喜歡星際多過萊斯。淨房價10xx--11xx元。
3. 其他就不太符合你的要求, 所以不一一介紹, 例如永利就太貴, 皇冠又係太貴, 英皇就完全唔及得萊斯和星際好, 利澳房間太小, 金龍亦是, 而且唔夠豪華。
另外, 澳門的酒店星級其實是沒有標準的, 例如萊斯酒店, 中旅評它是三星, 但其他Agent評它是五星, 而澳門本地都是評它為5星, 評級標準大多是根據酒店的設施, 環境, 服務, 另外有賭場亦會加一粒星, 但一但評了這個星級, 就不會變, 所以好像皇都或新世紀這些殘舊酒店, 仍然叫做五星級。
以房間數量來評星級的說法是不對的, 例如駿景有406間房, 被中旅評為三星級, 但英皇有300間房, 就評為4星級。其他Agent更不會單以房間數來評級, 例如萊斯只有72間房, 評為五星。
我有香港及澳門身份証, 但多數時間居住於澳門, 經常有香港朋友來澳門玩, 所以很多房間都見過。

2007-05-29 20:50:42 補充：
以中旅為例, 如果你買的是雙人套票, 你買兩份的話, 就可以四個人用, 兩個人一間房, 每份是包晒兩人的來回船票的。所以無需再買船票。除非你諗住買一份package, 四個人屈蛇入去住, 咁就買多兩張飛, 但其中兩個人會冇早餐食。以萊斯酒店為例, 平日價兩人套票是1730, 所以你們四個人加起來就3460全包, 咁應該明白啦? 但係要注意, 澳門酒店, 周六和假日的價錢貴好多的。如果因為假期去, 上面介紹的兩間酒店又覺得太貴的話, 可以改為金龍, 都一樣就腳。

去澳門...想抵玩就去中旅社book package會最好~通常佢會比張list...你就會睇到d酒店同幾錢到~

通常如果平日去,要有賭場，比較新，乾淨，鄰近景點..永利,星際,英皇都得~就會係800至1100一個package,不過閒日就會貴多成400到~

另外記得一樣野,澳門所謂分星級既酒店,唔似香港咁睇service,係睇間酒店,多唔多房~所以有d唔出名,都會有成4,5星~要小心~

另外,你可以攞到中旅張list,之後上網check下佢地酒店網頁會好d~記得唔好簡o氹仔個邊,好唔方便~