時間慢到似匍匐緊啲蝸牛,點樣過得快d唔好咁吽呌?

首先好多謝樓主咁睇得起我,邀請我答哩條問題,但初初睇都幾不得要領,唔係好知樓主o既情況,後來睇埋樓主"辭職後的時間感覺"先知原來樓主o岩o岩遞左信
我同你個case都有D似,我都係遞左信,仲有2日就last day喇~我o既上司雖然冇咩咀臉俾我睇,但佢係一個極之麻煩o既人,又冇料,淨係識點人做野,勁難頂
其實遇著哩D咁難頂o既上司/同事,都只有3條路可以行,一係走,二係忍,二係同佢抗衡.
當然,點難頂都好,我地都要向現實低頭,好似我成日都同自己/其他人講,你搵唔倒第份好過哩度就要繼續做架la~我地係睇長線o既,如果前途同好o既上司同事,我一定會揀前者.o係你個case,其實你已經揀左哩條路,只係你仲有1個月要挨埋佢,我唔知你做左幾耐啦~但要得1個月通知,最少都做左3個月,3個月都挨倒,1個月有咩咁難?!
所以,而家問題係,o係哩1個月入面要忍定抗衡到底?!如果係我,我會揀中間lo~而我一向對人都係咁,遇著唔鍾意而又要接觸o既人,我只會公事公辦,除左公事,唔會講多一句,尤其我做o個行,行頭窄,隨時第日有機會見返,冇必要整臭自己個名~其實你淨返一個月,真係洗鬼理佢地丫,你都走咯,求其做好自己本份過埋o個個月咪算lo~而且你都講你而家一樣係好忙,好多野做,專心D工作D時間就會好快過的~同埋講真,我覺得哩類人,某程度上可能佢自己走唔倒,妒忌人地搵倒好路數o者,係咁多不滿,神早走左la~
不過唔講又講,我覺得心態係好重要,我覺得除非佢地做D野留難你,如果唔係,只係俾咀臉你睇根本冇野好怕,佢留難你就話驚交唔倒差o者,佢俾咀臉你睇,你咪當佢透明lo~唔通佢會咬你咩?!打份工o者~打工就從來冇樂趣可言~冇理由俾份工影響左你工餘時間o既心情~我雖然未遇過D咁衰o既同事,但中學時都遇過D淨係識笑人,玩杯葛o既人,雖然我未至於被人杯葛咁嚴重,但因為冇埋堆,變左好似獨家村咁,但我覺得話不投機半句多,遇倒D你唔鍾意,但又要對住o既人,就只有減少接觸,真係要接觸,咪當佢係普遍人咁lo~做完交左差就算了
不過始終預防勝於治療,我本身係成日面帶笑容o個D人,就算公司入面有D同事,做左成年,只講過1,2句野,我如果o係走廊見倒佢地,都會對佢微笑/點下頭,我覺得除非極度搞屎棍人事外,一般就算大部份時間都黑口黑面o既同事,都唔會對你點樣~

有無聽過一句金句: 快樂不知時日過.

如果你時刻感到快樂, 便會覺得時光飛逝.

如何才能獲得快樂?? 心靈的富足 ---> 獲得最大快樂.

理想的實現 + 被愛 + 知識的擁有 + 充足的精神食糧 - 物慾的珈鎖 = 快樂