✔ 最佳答案
海軍戰鬥機從下層機庫用升降機送上飛行甲板後,會由拖車拉到整備區。在整備區中會由機械士徹底檢查一次航電及武器系統,之後會由紫色背心嘅人員根據任務距離及荷載,計算並負責入燃料。之後會掛載武器及上引信,機械士會再接管預熱飛機。完後飛行員會再檢查一次後登機。拖車再出動根據艦橋上甲板管制員指示拉到起飛位置。
飛機到位後,甲板噴燃折流板會升高,同時會將彈射掛鈎鈎在彈射軌上,甲板下彈射器控制員會根據飛機重量調節彈射力度,因為 E-2C同F/A18-C/D嘅重量可以差好遠,力度唔啱隻飛機好易出事!彈射器嘅工作原理係以核能驅動嘅蒸氣鍋爐產生力量,用 2 吋粗嘅鋼纜同成排嘅滑輪牽動飛機,為安全起見每條鋼纜只用 100 次。
返去甲板,飛行員關倉蓋後會將飛機引擎盡開,準備完成後以敬禮方式指示。彈射器會在 Air-boss 的命令下鬆車,飛機隨即在彈射掛鈎嘅拉動下「彈」出。
從上面睇到,雖然起飛只用1/3 甲板,但艦尾重有 4 條鋼纜嘅降落區,其餘地方就係等候區同整備區喇。
2007-05-29 09:13:20 補充:
Air-boss 係甲板主管。