急！點令到狗狗冇咁多痰..呼吸順D？２０點！

我建議你搵多個醫生睇, 因為香港0既獸醫質素好參差, 呢個係我0既親身經歷.

根據你0既描述, 我擔心你隻狗係狗瘟呀! 如果唔係, 就好大可能係肺炎, 是但一樣都好大鑊. 佢啲鼻水黃色, 即係話佢呼吸道發炎(如果唔係發炎, 應該係透明或者白色), 佢係BB, 抵抗力弱, 你呢段時間要好小心照顧佢呀! 如果可以的話, 最好能夠廿四小時有人輪流照顧佢. 食咗藥覺得疲倦好正常, 呢樣唔需要太擔心. 你反而要注意佢飲食0既情況, 水當然要飲, 但狗糧亦唔可以唔食. 我唔知你0既醫生有冇向你提及, 不論任可病, 佢肯食嘢就仲有希望, 但如果佢唔肯食嘢, 好番0既機會就好微啦. 所以無論氹又好, 迫又好, 你都一定要餵佢食嘢呀!

狗瘟雖然有潛伏期, 但你可以留意佢0既身體變化, 從而推斷佢係咪狗瘟. 首先, 睇吓佢對眼有冇好杰0既眼屎; 耳朵有冇發紅發臭, 有冇一舊舊0既耳屎; 腳仔啲墊墊會唔會皺皺地, 有冇一層硬硬哋, meet得甩0既死皮; 有冇發燒(呢樣肺炎同狗瘟都會有, BB狗0既體溫會較成犬高, 39度以上就係發燒). 你可以買BB探肛0既探熱針幫佢探熱, 唔好用探耳嗰種, 唔準0架唔唔會企唔穩, 行路時會唔會中吓中吓咁.

我上述所講四個狗瘟病徵, 頭三個早期就會出現, 第四個已經屬於後期啦.

如果想令佢呼吸暢順啲, 可以俾盆熱水佢聞吓蒸氣, 蒸氣可以令佢氣管擴張, 佢呼吸起上嚟會舒服啲架.

希望以上0既資料可以幫到你, 更希望你隻狗狗可以早日康復.

重有呀! BB狗抵抗力弱, 你要有心理準備, 不論係偒風感冒, 肺炎或狗瘟, 都要醫一段唔短0既時間至會康復, 尤其係狗瘟, 病情好反覆架, 會時好時壞, 起碼要醫個半月至會完全康復, 期間你隻狗會好辛苦, 你要喺佢身邊支持佢呀! 因為醫狗瘟, 針藥固然有幫助, 但最重要係你隻狗狗0既意志力(好多醫生都係咁講), 你要同佢講 " 我知你好叻, 好堅強0架, 俾心機呀! 快啲好番, 我會喺你身邊支持你架!" 佢聽得明0架! 只要佢feel到你錫佢都支持佢, 對佢嚟講, 就係最好0既良藥啦! 加油! 千祈唔好放棄呀!

如果你仲有嘢想問, 即管email我啦.

獸醫有擴張氣管既藥,等佢抖氣舒服d,另有氧氣箱聞氣服務約$50/hr ,去試揾有呢種服務既vet。
狗冇得幫佢拍痰又唔係人仔bb,聞蒸氣會好d,問獸醫有冇化痰既藥水俾佢(應該有,我之前有隻狗飲過化痰既藥水)

如果狗狗呼吸困難,你可以把一盤熱水放係佢面前,蒸氣可以幫佢呼吸得暢順D,凍咗就換過D熱既, 我朋友隻狗3個月大時有狗瘟, 呼吸困難,佢都係咁幫佢隻小狗呼吸, 最後小狗都醫返好, 希望你隻狗狗都好快好返!

其實狗瘟有14日潛服期,我唔敢講你隻狗可能係,但咁樣睇狗狗好似係狗瘟,我suggest你去睇多一個doctor, 因為你隻狗得3個月大,而且你買咗佢就即刻有問題,有可能佢一早就已經有問題,但你買時候冇發覺. 我以前都有隻狗,case同你一樣, 佢返咗屋企一日就已經有流鼻水, 同嘔,之後去睇doctor, 但係因為我隻狗打咗針,check唔到佢有無狗瘟, 佢都係得大約3個月大,而我係第1次養狗,完全無經驗,我睇咗差不多$10000(係$10000唔係$1000),都醫唔返佢. 其實你呢幾日就應該去睇其他doctor,如果其他doctor都話無answer的話,就要俾啲心機take care佢,如果佢唔很食or飲水的話,就俾多啲時間喂佢,因為藥係help佢打仗,水&食物係keep balance佢身體,好重要.有啲doctor會叫狗狗留院,但我唔prefer狗狗留醫,雖然狗狗有doctor睇住(不過唔係24hrs),2來佢地唔會無太多的時間take care狗狗,例如狗狗唔很食,你可能會try to feed per hrs,如果佢嘔完你可能會feed又狗狗,我唔知醫院會唔會咁做,但係我believe你一定會,而且狗狗係this moment好須要你係身邊支持,好似人都一樣,就算係普通sick都好想你係佢身邊.可能我講得太多,I hope your dog get health. Good luck.

人都會有是,狗都係一樣

正如你講,快d同去睇醫生,同埋買個d狗量要有無咁熱氣~