生物環問題?

1. 生物環要放o係有水流o既位置，無論係頂濾、掛濾、濾桶定假滴漏入面都得，主要係等水不停流過，等生物環上o既細菌有機會用到水中o既廢物為食物，但最好就要有棉包實，減少垃圾積o係隙縫。
菌其實只要有廢物就會自然增加－－唔係出現，因為水本身已經有呢ｄ菌，但係當一個水體廢物增加，食物量大，養得到o既菌就會增加，直至唔夠食物分為止。一個新缸加泥後自然會濁，濾到水清返時就係夠菌啦，其後逐少加魚，咁菌量就會逐步catch up；等唔切可以買菌水加落缸，但切忌過量，唔夠野食會死菌，咁就成缸白哂。
生物環可以用到你覺得太污糟、表面ｄ小孔塞哂為止，每次洗過濾器時用舊水沖下表面ｄ屎就再用得；但係如果想換的話，最緊唔好要一次掉哂ｄ舊野！加袋新生物環入濾水器，等幾星期先掉舊環，以免一次流失大量細菌。
2. 生物環+活性炭都係咁放o者，放入濾水器就得。活性炭用o黎吸色吸味同化學物質。活性炭唔駛多，一包得啦，有水流過就有效用。

生物環可放在濾水器內, 如缸頂濾水器, 濾箱, 壓力箱, 或沙缸內都可以,
D菌是在生物環表面培植出來的, 通常數天便可, 當然視乎缸內生物,
生物環不需常清洗, 如被 "臭臭" 黏住, 用自己缸內水沖一沖水便可, 切勿用新水沖洗及切勿洗擦, 不然你所培植的菌就完旦了!!

可以一齊用, 但如你用葯替魚治病時要將活性炭抽離,
因活性炭除幫你缸水吸臭味外, 還會將你所落的葯吸走呢!!