有關珠海,,,

香港有冇就唔知, 但可以在羅湖汽車站----羅湖商業城地下搭車到拱北關口商場, 85元人仔
珠海都係買A貨為主, 所以在關口商場已經有排行, 另外行出關口外面約5--10分鐘, 到達蓮花購物城亦有得行, 旁邊有步行街, 兩旁好多商舖, 亦有兩三間商場。
關口商場內有大約20--30間食店, 有平有貴, 都唔錯, 如果想食好d, 可以乘的士到灣仔海鮮街, 平靚正。想食蠔, 可以再搭的士去遠少少的橫琴, 蠔又肥美又抵食, 仲有好多鈎魚場, 有興趣可以鈎下魚, 好多又大又正的海魚。
珠海的治安唔會差過深圳, 只要事事小心d, 最重要係財不可以露眼就冇問題。
另外, 在關口商場有多間旅行社, 買各景點的入場票會平d, 亦可以訂半天或一天團玩, 好抵, 訂酒店都得, 可以訂澳門及國內的酒店, 有時比你上網訂還要平。
近近地, 中藥谷, 夢幻水城, 珍珠樂園, 圓明新院都ok, 遠多少少, 海泉灣, 神秘島都唔錯, 如果有時間可以訂一天團去東澳島, 水清沙幼, 名勝, 海鮮。