怀孕已经31周, 我的问题是....

我而家33周, 都係第一胎, 希望我嘅答案幫到你啦!

1) 到好似你同我e段時期係會成日覺得個胃頂住咁, 唔多想食嘢, 食多少少又覺得唔舒服, 但係正常架, 所以e段時間最好少食多餐咁就唔會頂得咁辛苦啦!

2) 我個b論日頭夜晚都郁得好勁, 而且個肚越來越大, 就會越來越辛苦, 但最好都係打則瞓, 因為一仰卧, 個b會壓住自己, 更加會抖唔到氣, 如果真你抖唔到氣, 坐番起身會好d架, 而我自己就打則瞓, 雖然有時個b會郁嚟郁去好辛苦, 但都好過比個b壓到抖唔到氣吖, 而且當個b郁得勁時我會慢慢摸住自己個肚, 一邊同個b講:"乖乖啦! 夜啦, 快d瞓啦! 唔好再郁得咁勁啦!" 唔知係咪我把聲同隻手有安撫作用呢, 之後個b郁多兩郁就會乖乖咁靜番落嚟!

3) A: 你個肚有番咁上下大, 當然比之前更加容易feel到個b郁, 但如果你話個b郁得好有規律, 好似心跳咁一下下, 而且會維持數分鐘嘅話, 咁應該係個b你入面打緊c egg, 因為到咗7-8個月, 個b係會透過吞吐羊水而進行呼吸練習, 所以會打c egg, 我個b而家平均一日會喺我個肚入面打3次c egg, 有時見佢好似好辛苦咁, 但無辦法, 我地做唔到d乜嘢, 唯有摸住個肚同個ｂ講"加油!" 因為個bｂ都係為將來出嚟作緊抖氣練習!!

３) B: 因為個Ｂ越來越大, 會壓住媽咪個膀胱, 所以有多少少尿時都會覺得好似好急, 而且有時打(克痴)咳或者大笑都可能會有少少尿標出嚟, 但係正常架, 因為個膀胱受壓, 所以盡量一有尿意就好去啦, 唔好忍尿, 否則阿Ｂ一郁Ｄ尿會標出嚟!!

４) 如果要照4d最好喺26-28周照, 因為照4d都係想睇吓個b嘅樣啫, 但你而家都32周, 個b太大d手手腳腳迫埋哂一齊會遮住咗塊面, 好難會睇到個樣架啦！我自己到miss咗, 成30周先醒起, 結果我都無做到!

E個就係我嘅答案, 希望幫到你啦!! 我自己都係第一胎, 所以有咩唔明最好問醫生, 睇多ｄ書或者上ｄ產前講座都好有幫助架!!

1因為BB開始大啦，佢會頂住你個胃，以至好易覺得「飽」，又或者無胃口；我既情況都係咁，而家三十四週有多，重係孖B，所以重有好多胃酸湧住喉嚨添！

2你會唔會早D上床睇下書，早定安定落黎，等你真係訓既時候，可能佢以經訓左啦。但慢慢你都會發現就算佢唔旭，但因為佢個身體漸漸重，平訓會覺得比佢壓住內臟，側訓又會壓住手臂，令你感到好痛，其實大肚婆點都唔會訓得好架啦！尤其是後期！

3我覺得正常囉！因為佢既動作唔會永遠都咁快架嘛！

4昨日無線節目「最緊要健康」話係26-30週嘛！

1)因為懷孕期間賀爾蒙會轉變,所以口味會跟未懷孕之前有別,不過,你現時都31周了,應該唔會無胃口,水果食多多都唔緊要,不過菠蘿,芒果就唔好食咁多,因為濕熱,楊梅,橙,蘋果可以多吃,盡可能多吃高纖食物,例如葉菜,紅蘿蔔,薯仔,蕃茄等等。缺乏纖維會導致便秘,有機會生痔瘡。

2)BB將近出世,媽媽當然很辛苦,你可以側睡,唔舒服就轉去另一邊,或者用枕頭墊住個肚,睇吓會唔會舒服D?

3A)BB響媽媽個肚裏面有活動係正常,就算你唔發覺佢有活動都好正常,因為BB會睡覺,只要你無綠色或者深色嘅分泌流出,就無問題。

B)因為BB壓住你嘅膀胱,所以經常覺得急尿,你就唔好忍,見急就要去。你應該練習內陰肌肉收縮,任何時間都可以做,又沒有人會發覺。方法係將陰部肌肉放鬆五秒,收緊五秒,持續做十至二十次,當BB出世後都要繼續做,這個練習可以緞練陰肌肉,可以改善失禁問題。

4)BB都就出世喇,既然你無選擇照,就不如留返個神秘感,到時仲開心喇。

希望能夠解決你的問題,祝你生產順利,大小平安。

*個人申報:本人有一兒子,今年十一歲。

由於每個人既體質都唔同, 你去問下醫生會好好多, 因為佢哋係専業的, 順便可以檢查埋b b既成長狀況, 你又可以放心d啦.