✔ 最佳答案
我剛剛去完台灣返黎,都係住城美(因為原本想住個間冇位,旅行社就介紹呢間).上網睇城美睡房ge相時,都覺得ok架,所以咪報呢間囉~點知......
1.佢外表就幾殘舊吓,入面就好少少咁多啦,衛生環境一般啦,唔算太好個隻,浴缸比較烏糟,洗手盆去水慢,冷氣冇得自己較大細,坐耐d會覺得凍,我地拎多左張氈訓先剛好夠暖,我住個間3人房仲要係冇窗的,所以間房好暗,佢提供的拖鞋係膠拖鞋黎的,我地怕唔乾淨,所以自己買左對用,基本上佢提供ge野,我地全部都冇用,但住落就慣左,覺得冇所謂,反正每日好少時間留係酒店
2.早餐冇食過,因為早餐只去到9:30am,我地幾日都食唔到,所以唔知早餐如何
3.地點都算ok架,行去台北車站,西門站都只係大約15分鐘
4.有冇巴士到酒店就唔清楚,因為我地上次係坐飛狗落誠品先,之後去左幾個地方先返酒店,但就有車到酒店門口接你去機場,但由於係經酒店買車飛,所以就比一般車費貴20-30台幣,每1個鍾1班車,你嫌貴的話,可以自己另外行去搭車去機場,冇記錯的話,去機場要1個鍾度
整體黎講間酒店真係麻麻,如果你冇咩要求的話,都可以考慮,否則我唔會推薦你住呢間,寧願貴少少住好少少的,天成幾好,係正台北車站隔離
希望以上意見幫到你啦~