女友另結新歡，如何撫平失戀的傷痛？

我係四個月前同你一樣 , 失戀了 , 她見異思遷了 , 我都好吾甘心 , 點解會咁 ,
但你有冇諗過你地當中係吾係有問題 ? 如果冇問題又點會俾人入倒呢 ? 愛情係冇分對錯 ,只有識吾識玩 , 仲有果d叫你去玩 , 等你忘記係冇用既 , 因為當你靜下黎一樣會諗返 , 最緊要係你自己識諗 , 就算身邊既人點安慰都係冇用
你知嗎 , 時間可以令你傷口慢慢好返 , 但無論用多少時間傷口始終都係傷過 !永遠都會係度 ! 你要知道錯吾係你 , 只係佢見異思遷 , 佢有負於你 ! 要記住千萬吾好回頭 , 吾好做隻狗 , 知嗎 ? 每日都睇佢個日誌 , 吾緊要 , 不過只會令你傷心 , 你都知啦 !
當係放棄你 , 係佢既損失 , 愛一個人吾係一定要擁有 ! 放鬆d , 吾使忘記 . 因為跟本忘記吾倒 . 只要吾想太多就好了 !

有啊
我係女仔
係11/5我男友同我分左手喇
雖然佢唔係有左另一個
但係我明白你既痛
我知佢係為我好先分手
我而加日日都係到喊
有好想自殺既feel

我有...完全明白你感受.........不過 日子一樣要過 站起來 送你一個字 (玩) 去識多d人 信我吧

失戀後..好後悔...好想追返佢...這是正常反應,
你想過cool煲、 為左復合而做d 傻事&蠢事...go ahead, 我唔會阻止你, 因為現在的你唔甘心、捨不得、放不下, 如果愈叫你唔好, 你就愈係心思思、囉囉攣!!!
不過cool 煲還cool煲,但有幾點一定要留意:

1. 唔可以用死去威脅佢, 因為這不是愛的表現, 咁樣只會害了她、折磨她。
2. 當你怎樣哀求、怎樣付出、怎樣誠懇, 佢都無動於衷, 咁你就要有尊嚴地離開, 不要做隻哈巴狗 or 可憐蟲。輸, 都要漂漂亮亮地離場。
3. 唔好做d傷害你 & 她的事, 那只會令她更厭惡你、憎恨你。



你要的是「治療傷口的特效藥」!!

要你完全忘記佢就一定冇可能,
至少要令你想起佢時, 唔會再想喊, 個心唔會再鬱住鬱住。
失戀好辛苦, 你有冇試過痛痛快快喊一場?
要讓自己的情勢得到宣洩, 個心才會放鬆。
如果都經過以上階段, 那麼你會好d gala.

你害怕一個人獨處, 因為會寂寞,
跟他分手後, 他教曉我兩個詞語 --- 寂寞 & 思念, 我深深體會了它們的意思!!
未跟他相戀前, 自己一個人充其量都只是孤單罷了。
跟他分手後, 我就明白寂寞有多可怕、有多恐怖,
害怕一個人獨處, 那種恐懼由心裡發出,
一步一步吞噬我的心靈, 那是多麼的令人窒息、害怕 & 顫抖 。

他還跟我說, 你要和另一個她開開心心結婚去,
那句話好似一把鋒利的劍, 一刀一刀插入我心深處,
那種心如刀割的痛, 你能明白嗎?
心仍在淌血, 眼仍是流淚,
無論我再淌幾多血, 流多少淚, 你已經不再在意了。
我彷彿斷了戀愛的神經, 而我的心也跟你一起走了,
以後我該如何打算? 我能否再愛上其他人?

我在剛分手後, 個心痛到好似俾好多野壓住, 透唔到氣,
最慘係連喊都喊唔出。
到後來喊得出, 分分秒秒都想起他,
日日所思的是他, 夜夜所念也是他。
一想起佢就不停流眼淚, 這情況可以發生在半夜, 可以當你睇某出電視劇,
甚至朋友講的說話, 你ex 以前都講過...
只要令我諗起同佢所有有關的, 我都會當場哭起來。

話俾自己聽佢唔再番轉頭已經係事實, 再為佢傷心又值得嗎?
自我催眠, list 佢所有缺點出來, 催眠自己: 佢咁差, 你都唔會揀佢啦!!


其實只要你願意+勇敢些就可以放下他, 問題在於你怎樣揀?
活於回憶裡? or 為自己展開新生活?
將自己的時間表填滿, 填得密密麻麻就最好。
你會問怎樣填滿?

1. 你有咩興趣? 打ball、烹飪、樂器、日文....
揀樣自己的興趣, 好好學習, 或者將來可以將它變成職業!!
而且有d新同學, 咁都可以幫你轉移目標。

2. 多d同朋友出去social, 一來你出去玩可以令你舒緩唔開心的情緒,
二來你可以同d 朋友傾傾心事,
三來你d朋友可能帶其他朋友出來, 咁你咪有機會識多d人lor!!

3. 你有冇夢想? now可以實現嗎?
對自己好d, 錫自己多d, 愛自己多d,
問下自己最想要d咩?
化悲憤為動力, 要爭氣, 一定要比佢活得更加好, 更加開心 & 燦爛。

4. 做義工or返教會, 你唔好以為淨係你付出,
其實從中你會得到喜悅、成功感&滿足感。
而且宗教信仰可以令你有精神寄託,
令你知道你唔係自己一個人行, 仲有好多人陪你。



另外, 如果你想俾一個新開始自己,
不如去剪頭髮、換過d衫, 以一個全新的image 示人,
唔好污污 wer wer, 要整齊乾淨,
甚至換張新床單、屋企d傢俬都可以轉轉位置...
屋企是你最安全、最warm的地方, 那不是一間house,而是一個home!!

要好好裝備自己, 外表頭先已經講左,
內在都要upgrade, such as 禮貌、談吐、言行、table manner...
應該要識而你又唔識, 唔該去學下。
你的eq可以嗎? 太低就要上d course提升一下。

盡量避免見你的ex, 唔好contact, 連msn都唔好,
所有跟他有關係的東西, 掉得就掉。
你唔同佢聯絡一段時間, 再加上令自己冇時間去想佢, 咁你就好快放下。

記住治療失戀的傷口, 關鍵不在於時間長短,
而係你怎樣渡過沒有他的日子,
積極地生活是治療失戀傷口的特效藥!!

好easy, 你去找一個比你前女友仲好的發展, 自然無問題. 仲會發覺對一個不忠於你的人這樣, 簡直浪費時間心力.

有自己的愛好嗎？？
有好朋友嗎？？
如果以上都有，那不成問題了。