✔ 最佳答案
個師傅係咪傻架,積雪走去搞部室外機(壓縮機),如果部機唔凍或唔夠凍佢去檢查室外機、雪種同喉係正確既,我同你講呀:你部室外機無問題,喉都無問題,如果呢兩部份有問題你部機就做唔到製冷,做唔到製冷又點結冰積雪呀?你要先肯定你室內部機既過濾網無問題,同室內機既風扇運作正常先(把冷氣調到風扇模式,風速調到最大,感覺到出風口有強風吹出),若果唔係以上兩個問題就好大可能係呢個情況,室內機既恆溫器或電路板故障,其實室外機是否運作全靠室內機發出指令(通電),若果你室內機既恆溫器或電路板故障,會發出錯誤訊號,導致室外機長期(通電)進行製冷唔識停,當室內達到一定溫度,但室內機又唔識自動停左室外機既電源,令室外機繼續通電製冷就會造成積雪現象。另外不得不提既係有D冷氣機設有測試模式,在這模式下室外機(壓縮機)會長期運作,不會自動恆溫,長期開啟亦會造成積雪現象,你應該查查說明書,睇下你款機是否設有此模式。
2007-05-28 08:14:30 補充:
我覺得個師傅有D想偏你,你應該問下佢點解室外機壞左仲製到冷,仲要有積雪現象咁勁,出面部機唔係淨負責製冷架咩,積雪關出面部機咩事呀?出現積雪即係出面部機製到冷無事啦!我覺得佢係睇中左你出面部機先兩年機齡,咁咪可以.......