欠債,好痛苦,好痛苦

咁就叫慘，講個故事你聽：我個舅仔今年３０幾歲人，１０幾年資歷由阿四做到入境處坐櫃台，人工接近兩皮野一個月；欠銀行、財務公司、同事、親戚、兄弟姊妹，無１００萬都８０萬有多，試過過大海輸乾輸淨，夠胆死放低張職員証比大耳窿借錢又輸埋，比人壓返黎香港屋企攞錢贖身都敢死；之後搵向情軒見社工、返教會聽道理、睇埋心理醫生，都係要波馬照賭，幾乎比D兄弟姊妹踼出街。上年搵埋律師辦債務重組，依家個個月淨還債都１８０００蚊；得番千鬆D蚊用，要食飯搭車，試過欠手提電話費半年，呢十年無比過一分一毫過屋企，重要佢個攞緊「肺塵病賠償」嘅老豆個個月貼多幾佰蚊至勉強捱過活．．．．依家咪一樣怡然自得
老細，將來嘅事將來至諗啦，依家唔想破產，要留番少少尊嚴比自己，將D債斷左尾先，起碼有個還錢目標，最緊要繼續有工返，有粮出，平日慳D，咬緊牙關捱過呢段日子；有嘅係時間，四十歲至娶老婆都得啫。
破產係就係一個解決方法，不過你估吓四年後到時仲邊度有人再信你？無錯，四年後D尾數係可以一筆out消，不過你嘅人格會永遠破產呢？到時想借錢買樓娶老婆就唔駛諗。
祝你好運，努力呀，頂硬上呀！

你間學校係咪好近又1城呢xd
努力加油做野!!多d主動識女仔na.擴闊生活圈子^v^
比多d信心自己=3=
{******天生我才必有用}!

不要再碌卡了!
你可以找銀行借款,邦民或ua,千祇唔可以找私人貸款

我都好明白你的痛苦!
其實你有無想過會幾時先還得清? 我睇電視廣告說有「債務重組計劃」, 雖然我唔係太清楚係怎樣做, 但應該好過現在每個月還息的, 你可以去各律師行搞的。
我都係上網幫你seach左一點律師行。
http://www.ziferico.com/debt/case1.htm
http://www.iva.com.hk/
Yahoo搜查網 : http://hk.search.yahoo.com/search?ei=UTF-8&p=%E5%82%B5%E5%8B%99%E9%87%8D%E7%B5%84%E8%A8%88%E5%8A%83&fr=FP-tab-web-t-ac&meta=rst%3Dhk