如果雙方都夠18歲,但有左BB想唔要~去家計會落,得唔得嫁~會通知家人嗎??BB只有個半月大

可以去家計會落, 由於你過左18yrs old 所以佢地唔會通知家人
半個月大既BB既可以落到

因為你到18,只要有兩位註冊醫, 生認為你是有充份的理由 , 就可以用合法途徑做墮胎手術 , 充份理由下, 例如 : 懷孕的母親未到十六歲 。 因被強姦或亂倫後引致懷孕 , 經過報警後都可以合法墮胎 。

家計會網頁, 有更細資料:

http://www.famplan.org.hk/fpahk/zh/template1.asp?style=template1.asp&content=services/clinic/surgical.asp

下面是家計會「申請合法終止懷孕手術」資料：
http://www.famplan.org.hk/fpahk/zh/template1.asp?style=template1.asp&content=sexual/what.asp

根據香港侵害人身罪中第四十七條規定，要申請終止懷孕手術，必須經兩位註冊醫生共同確信：
◆繼續懷孕對孕婦生命所構成的危險或對其身心健康所造成的損害比終止懷孕為大；或；
◆胎兒出生後極有可能身心不健全並足以造成嚴重傷殘；或
◆孕婦未滿十六歲；或
◆孕婦在三個月內曾向警方報案，自稱是亂倫、強姦、迫姦、誘姦或迷姦的受害者。
※接受合法終止懷孕的婦女，懷孕期不得超過二十四週，但若為挽救孕婦生命而進行者則屬例外。
※合法的終止懷孕必須在政府指定的醫院或家計會手術室內由註冊醫生施行。

只要夠十八歲，家計會就會同你做墮胎手術而且絕對唔會通知家人
就算家計會既人有事要打電話搵你
佢地都會問清楚你個名先至會話係家計會打黎既
如果佢地搵唔到你本人，絕對唔會話自己係家計會 ( 佢地保証過 )

家計會首先會同你做驗孕、見醫生同子宮頸細胞抹片檢查 + 見一見輔導員 ( 如果你唔主動講野只會隨便傾兩句o者) 費用 $550
然後佢會要你去照超聲波 ( 係出去第二間診所，家計會無得照) 費用 $360
再返家計會覆診，如果 bb 係唔超過十個星期，家計會可以親自幫你做手術，不過得半身麻醉，如果怕痛佢地會轉介你去私家醫院做全身麻醉o既手術

如果係家計會做，通常排期一個星期左右就可以同你做手術，費用 $2500
而轉介去私家醫院會唔會貴 d 我唔清楚，你到時可以問佢
(因為我自己就係家計會做)

如果選擇係家計會做手術
要有心理準備用去你全日既時間
而且手術前係唔可以食野同飲水
同一日會有七至八個人輪流做手術

首先一早去到同你講清楚手術風險等等
然後要你簽張紙說明你已經清楚手術同當中藥物既一切風險
跟住去見醫生，放粒藥入去陰道令子宮頸鬆弛，目的係令手術順利進行 (因為未生過 bb 陰道較窄)
之後叫你上床休息一下，因為藥物需要一段時間發揮效用

之後姑娘會講解一下手術整個流程
然後換衫，手術前半個小時會同你打止痛針
打左針就唔可以落地

到時有人會用輪椅推你入手術室
整個手術大約十五分鐘就完成
包括手術前後消毒 + 清潔，實際上手術時間不到十分鐘
但係呢短短幾分鐘真係會好痛 !!
不過只要手術一完成，痛楚就會減少，只會有少少平時經痛咁o既感覺

手術之後會有出血o既情況
視乎個人情況，短則幾日，長則一個月
(本人手術後兩日已經無血)

手術一個月內唔可以飲酒及進食任何補品

詳細o既可以參考佢o既網頁
http://www.famplan.org.hk/

不過只要你親自去家計會
佢地都會派好多單張俾你，兼且有人同你講解
到時一目了然，唔明都可以打電話去問佢地

2007-05-28 23:16:16 補充：
唔記得講手術之後要你上床休息，呢個時候可以飲水同食 d 野姑娘會同你量血壓同探熱，詢問你o既出血情況確保你無事就會俾你走 (一定要有成人陪同)大約係手術後一個半小時 我因為係最後一個做手術，所以五點半先走得**墮胎會有一定o既心理壓力，性行為前請三思**

有以下兩個方法：
1)去家計會做墮胎手術，但據講是沒有任何麻醉的，而且做完要立即離開。
2)到私家的婦科診所檢查，然後再向醫生查詢到私家醫院進行墮胎手術之費用及輪侯時間，一般由10000至13000不等，視乎醫生而定，手術會是全身麻醉，即日便可出院。
由於已年滿18歲的關係，故可自行決定是否要進行墮胎手術，並不會知會家人。
還有一樣請注意，如現時bb只有大概兩個星期大，需要醫生進行超聲波掃瞄檢查，然後再決定現在還是多等一至二個星期才進行刮宮手術，因為若胎兒太少的話可能會做不到。
最後，還是一句，珍惜生命，請做足安全措施﹗
如果還有任何疑問的話，歡迎電郵給我：[email protected]

未過21yrs,要得家長同意(99年問家計會),大約2千幾蚊,好似有咗10星期內先幫你,自己打電話去問la,希望幫到你~~

家計會不替人做手術，衹會轉介去醫院，不會理你什麼家人，不過收費貴，在外面找醫生轉介一樣啫，平的