點睇打電話比女仔既次數?

我係女仔, 同一個男仔己經識左差唔多兩年, 我從來冇主動打過電話比男仔,除非真係有事, 但男仔差唔多每日都會主動打電話比我,講既野冇咩內容,只係得啖笑,都係講下個日發生左d咩野事, 講電話既長度有半個鐘至一個鐘, 每次打來都係佢放工返屋企既時間,返到屋企就會byebye, 大家都傾得幾開心

但係, 我知道個男仔係有女朋友架啦, 我都唔知咁樣會唔會唔係幾好. 但我又會同我自己講, 其實大家都係fd者, 佢可能都係撘車悶過頭而搵我黎解悶者

究竟男仔對住個普通既男性朋友or女性朋友係咪都係咁樣?點解女仔都冇主動搵過佢,佢都一直打比女仔吹水?係咪男仔鐘意搭車冇野做既時候傾電話?多數男仔心裡點樣衡量打電話比女仔既數量?點樣叫多?點樣叫適中?究竟呢個男仔係咪對呢個女仔有d野呢?