細訂同大訂幾時比同要比幾多呀?

法律上並冇規定細訂大訂要俾幾多, 但一般慣例, 簽臨時買賣合約時俾細訂大約為樓價的3%, 而去律師樓度簽正式買賣合約時俾樓價的10%減去已俾的細訂。你要買的樓約$120萬,咁你俾的細訂大概3-5萬都可以, 而大訂則是12萬減去你已俾的細訂就可以嘞. 如果你覺得你要買的樓, 個樓價係好筍的話, 即係比市價平好多的話, 我建議你唔好俾太少訂, 否則你簽咗約之後, 有人俾高啲價,業主就好容易撻你訂而賣過比人地嘞 (業主撻你訂, 都係俾番雙倍訂你,同埋賠經紀佣之嘛, 舉例, 你落3萬蚊訂, 業主只須俾番6萬蚊你, 再賠經紀佣12000+12000=24000元, 咁即係只要有人俾多過大約7萬蚊, 業主就已經可以取消同你的交易,而將層樓賣過比人哋嘞),咁你一場心機, 攪一輪嘢,又買唔到你鍾意的嗰間樓, 雖然賺咗3萬蚊啫, 但係都好無癮啦, 係咪?