IVE&VTC的分別(10分)

✔ 最佳答案

IVE(Hong Kong Institute of Vocational Endcation香港專業教育學院)係VTC(職業訓練局)屬下o既其中一間學院(有9間分校)，主要係辦中五以上大專程度o既文憑同高級文憑課程。所以起IVE讀文憑/高級文憑已經係大專生。

而三年制o既中專文憑課程(入學要求係完成中三)同埋一年制o既中專文憑精修課程(入學要求係完成中五)主要係由VTC屬下o既青年學院(Youth College)所開辦o既，但我知有o的中專文憑都會起IVE開辦。

完成中專文憑等同會考5科合格(包括中英文)，情況跟完成IVEo既一年制基礎文憑一樣。憑著中專文憑或基礎文憑o既成績，你可以報讀IVEo既4年制高級文憑o既2年級或者3年制高級文憑o既1年級。

一年制中專文憑精修課程包括
1. 自動化工程
2. 旅遊及款待房務運作
3. 廣告、包裝及印刷
4. 空調製冷工程
5. 汽車科技
6. 屋宇裝備工程
7. 西式餐飲及廚務運作
8. 平面圖像傳播
9. 創意機電玩具及消閒產品開發
10. 電訊支援服務
11. 鐘錶設計及開發

IVE 是否都可以升大學??
咁就一定要有高級文憑o既程度先有機會升大學。只係得個中專文憑係一定唔可以升到大學o既。

當你擁有IVEo既高級文憑學歷o既時候，你可以用高級文憑o既成績報讀本地o既學位，但要視乎你讀o既高級文憑每年有幾多畢業生同埋報讀o既學位係唔係熱門。例如商業、酒店o個o的非常熱門o既學科，因每年o既畢業人數眾多，而且要同副學士畢業生競爭，所以升讀學位o既機會較少。

反而一o的比較冷門o既高級文憑，每年畢業o既人數較少，例如屯門IVEo既「建造工程及管理高級文憑」(Higher Diploma in Construction Engineering and Management)，今年o既畢業班已經有好多同學有本地大學俾有條件取錄(conditional offer)佢地，全部都係政府資助o既大學學位(唔係冇資助o個o的)，直到今日大學o既offer包括:
一個offer入香港大學o既土木工程，
一個offer入香港科技大學o既土木及結構工程，
兩個offer入CITYU o既結構及土力工程2年級(城大係俾各人30000蚊獎學金)，
兩個offer入CITYU o既結構及土力工程1年級，
兩個offer入CITYU o既建造工程及管理2年級(城大係俾各人30000蚊獎學金)，
兩個offer入CITYU o既建造工程及管理1年級，
兩個offer入POLYUo既土木工程。

有o的同學仲等緊offer，可能會有多幾個同學收到offer。(直升大學2年級的取錄條件是優良成績畢業Distinction，如只取得良好成績畢業Credit就由degree一年級開始。)。直到今日已經有3分1o既畢業同學收到本地大學的Degree o既offer。

大學係只收指定那一科定點?
有o的高級文憑係，不過好似建造工程及管理高級文憑，唔單只升番建造工程及管理o既大學學位，而且有o的升到土木工程，又或者結構及土力工程。當然，都係升番一o的同個高級文憑有關o既/類似內容o既大學學位。

IVE同VTC幾是話比我知佢收5收我??
如果你會考出o黎o既成績都幾好(9分以上分包括中英文)，你可以起會考放榜o個日去你想讀o個科o既IVE度問佢地可唔可以用優先取錄計畫收你，如果可以就會立即收你。如果唔得，你就要起會考放榜o個日上網揀科，咁就要等到8月14日先知收唔收你。

如果8月14日你揀o既所有科都唔收你，你仲可以上網(www.vtc.edu.hk)睇o下有o的咩o野科仲有位，咁你就飛的去仲有位而你又想讀o個科o既IVE度問肯唔肯收你。

2007-05-28 22:47:57 補充：
報埋啦! 去其中一間ive 囉張候補申請表，填好，去7-eleven俾120蚊。候補申請截止日期為 2007 年 8 月 10 日。

回答 (2)