✔ 最佳答案
問題1
你隻鼠有皮膚病,皮膚病好少會致命既,唔洗太擔心,但都要留意下甩毛既地方會唔會有粒粒生出唻,有時甩先,都會因為有腫瘤而甩既.
見到你話幾日內就甩得咁犀利,同時你要留意下甩毛既鼠排尿有冇問題,會唔會好困難or有血,擔心係佢膀胱or腎有事,d尿有菌而引起既皮膚病.如果係有呢d情況,所有既籠同用品必須用動物用既消毒劑消毒先得,因為呢類真菌係會經空氣傳播出去既.
你隻鼠打過交,傷口好返未呢?除左皮膚病,外傷都要處理好.打交令鼠鼠有壓力,緊張,都會易有皮膚病既.
有皮膚病既做法:
1)有第隻鼠既話要分籠
2)有皮膚病就要保持個籠乾爽清潔
3))同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
4)曾見過有俾鼠鼠飲既皮膚病藥水,如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,買既時候記得睇下有效日期.
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)當然可以直接帶佢睇醫生啦. .睇醫生既話可以考慮一下:
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
問題2
沖涼我就覺得唔洗3cm咁多沖涼粉,太多了,用粉沖2-3次,一次係覆蓋全身已經ok,用得都唔會好多.但絕對地應該分開一隻一隻鼠去沖涼,沖完d粉就要倒左佢,唔係會傳染細菌.
同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下.
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.
同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既.
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
3)盡量避免沖涼粉整到鼠鼠既眼耳口鼻
另外,見你有好多隻鼠,希望你會考慮一下以下既問題:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)如果有男有女,繁殖速度會好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.
2007-05-27 15:11:51 補充：
都係講埋有外傷既處理方法先啦:唔知你所講既流血係點,如果唔嚴重既,可以去寵物度度買一d外傷既藥,不過如果近眼耳口鼻就唔可以噴,用棉花棒搽唔到既話,可以睇下有冇一d口服既藥,見過有隻叫"外傷素",係加入d水度俾鼠鼠飲既,不過我都幾耐之前見過,所以唔知而家仲有冇.嚴重or搽唔到藥,又或你分唔到就咁有冇問題,就要帶佢睇醫生啦
2007-05-28 00:16:28 補充：
1.小動物用殺菌清潔劑 -太耐之前買,忘記左2.皮膚病藥水-$30-40
2007-05-29 12:46:16 補充：
雖然皮膚病好少會致命,但如果住由鼠鼠甩毛,好彩既話,鼠鼠本身既抵抗力係可以對附真菌,正如人病左,唔睇醫生唔食藥,自己都可能會好返.但如果鼠鼠應付唔到,真菌or寄生物佈滿全身,到時就好難應付了.過1-3星期對鼠鼠唻講係好耐(因為鼠鼠壽命短),到時再理既話,可能好嚴重.
