✔ 最佳答案
我稔你係話你想買樓/租樓, 搵大地產經紀好還是細地產經紀好, 係咪?
一般來講, 大經紀行的資料會齊全一啲, 分行網絡大, 如果你須要一些跨區的物業資料, 例如你在大埔, 但想要灣仔區的樓盤, 又想睇吓筲箕灣的樓盤, 咁大經紀行就會幫到你。
但大經紀行又未必每一個樓盤都好齊全, 在一啲屋苑裏面, 可能入面的一啲細經紀行, 因為喺裏面已經開咗好耐, 街坊關係好好, 識得好多業主, 所以樓盤又會齊全一啲
不過, 講到底, 你用地產經紀都係跟人的, 即係你跟開一個經紀, 覺得佢老實, 又幫到手的話, 你搵乜嘢盤, 都會搵番佢嘅。
依家香港有地產代理監管局睇住啲地產經紀, 郁吓就罰錢, 釘牌, 啲經紀應該唔敢亂黎嘅。
不論搵大經紀行小經紀行,都唔使驚。你亦都可以搵多一兩間經紀行, 比較吓啲盤同埋佢地嘅服務, 先決定幫襯邊一間, 咁咪穏陣囉!