✔ 最佳答案
回鄉証絕對可以提前換。。。
如果你無需要返大陸,過期後都可以更換,
如你過左十八歲,係一本本既回鄉証,你就要記住除左要帶身份証同回鄉証正本外,仲記住要帶備影印本一式兩份,回鄉証影第2,3,4頁,有相有資料同簽發日期個板,同身份証,都要每樣兩張,如果你回鄉卡就簡單,只需要將身份証同回鄉卡放埋一齊影兩張,記住所有影印紙都要A4 size。相片最好預備兩張,白色免冠近照,面部不能程現反光。。。。。
預約辦理回鄉卡 可以提前兩星期,十四天。。。。例如今日係3號,你可預約4號-17號既日子辦証。
如果十八歲以下小朋友申請,記住要帶出世紙,國內出生既小朋友就要帶出生証,同同埋家長要陪同申請人到達,大人快証590,普通390,小朋友快証 460,普通260
領取回鄉卡既時間:
快証五個工作天,包括星期一至六,不包括公眾假期
普通証十二個工作天,包括星期一至五,不包括星期六日及公眾假期