英文文法問題!自小就不懂外國人怎樣創造文字同文字意思(20分,20x2,即有40分)

中文係小數由象形文字演化出o黎o既文字體系，大多數其他有文字o既語言，都係拼音文字，即係話寫法係將發音記錄低。
但係點解會咁讀？除左一ｄ像聲詞（如貓叫為 miaow），真係無從稽考。但英文演化過程複雜，由古英語開始，從到法國、北歐等民族入侵，雖然仍以Germanic語系為基本，但亦滲入左好多其他元素。而語言根本就係「活」o既，佢隨著時間，由人令佢o既文字、文法、解釋、發音演化，變成今日o既英文。
外國小朋友由細聽到大，自然聽得明，正如你由細學廣東話，鬼佬都係聽到一頭冒水，須知道廣東話係其中一種最難學o既語言！然後鬼佬問你，點解 what 中文係「點解」？佢唔會諗得明，你又有冇方法解釋到自己明？我相信冇可能，因為呢個係呢個方言演化出o黎o既一個詞語。
當然，文字唔係全部演他出o黎o既，都有創造新字新詞。中文有六書（形聲、會意、假借等），英文亦有由字根變出新字，如你都應該好熟o既 prefix／suffix（super- 係超越，con- 係匯合等），尤其是創造最多新字o既科學，好多字根都係又拉丁文度o黎（如 -itis 係發炎，gastro- 係胃，enter0- 係腸，gastroenteritis 就係腸胃炎；mondayitis 就係講笑o既星期一怠工症）。鬼佬略對呢ｄ字根有認識，就可以估到字義。

2007-05-27 00:06:31 補充：
就算中文字音，唔講像聲詞，用皇帝為例，點解要咁讀？都係答唔到o既問題。只能夠講，讀音同字義，都係人與人溝通過程中，互相認定而成為標準o既。