✔ 最佳答案
按揭係一個有抵押貸款,私人貸款就係一個無抵押貸款,
一按同二按,顧名思義就係排第一同第二的按揭,
一按黎講,張樓契係按左係銀行/財務,如果客人個供款出
左問題,銀行/財務可以收樓同拎層樓去拍賣,賣左的錢扣除
欠款及一些行政費用,有餘數就會比返個客,如果唔夠還,餘下
果部份就要個客負責。
二按黎講,銀行/財務就無契係手,不過二按一樣註左係土地註冊處,
如果供款出左問題,一按銀行/財務收樓拍賣之後,要還埋二按的錢,
再有剩,先比返個客。
按揭可以做到的貸款金額一定比我私人貸款多,因為有抵押,同埋年
期可以做到十幾廿年,還款安排會有彈性一點,而利率都一定比私人
貸款平好多,相對黎講二按的風險就比較高,因為佢排第二,所以利率
同年期都會比一按差一點。
至於審批方面,按揭主要係睇物業本身的估值,還款能力主要用黎參考,
無私人貸款睇得咁重。