倉鼠叫!!

鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,餓就應該唔會叫,除非你話餓到佢就死,去到咁危險先有可能.

而鼠鼠日頭訓覺夜晚活動,你初初買佢地返唻既時候佢地年紀較細,可能就未出現打交既情況,而佢地大個d之後,就多數會出現打交,而因為佢地夜晚先活躍,所以就夜晚先會因打交而叫.
　
你2隻鼠一籠,應該就因為有打交既行為而叫,最好你將地分籠,如果唔係,可能一晚打死晒.鼠打交唔係玩咁簡單,打交係因為霸地盆,但唔好以為你所有野買雙份就冇事,我細個時都咁以為,2層既籠,2間屋仔,食物盆等等,咩都有2-3樣,但都可以忽然之間睇少一陣就死晒.
就算唔係一打就打死晒,都唔應該等到打到有事先去處理,點解唔係有事之前已經去預防危險發生呢?打傷打死我諗身為主人既,都唔好受吧?

佢地有叫既情況,除左要分籠外,就要留意以下事情:
1)仔細檢查同觀察鼠鼠身體有冇外傷
2)唔嚴重既話可以去寵物度度買一d外傷既藥,不過如果近眼耳口鼻就唔可以噴,用棉花棒搽唔到既話,可以睇下有冇一d口服既藥,見過有隻叫"外傷素",係加入d水度俾鼠鼠飲既,不過我都幾耐之前見過,所以唔知而家仲有冇.
3)嚴重or搽唔到藥,又或你分唔到就咁有冇問題,就要帶佢睇醫生啦,可以考慮下睇愛護動物協會, 愛護動物協會資料.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
4)都唔好忘記,冇受傷既鼠都要好好觀察.佢地打完交,都可能會嚇親,所以密切流意一下佢地除左外傷,仲會唔會有d咩唔舒服,有冇d野係同平日唔同,有異常既可能會有病呢.

建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)如果係一男一女,仲要留意鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.
　
另外,好多鼠店既人都會話瓜子熱氣而令鼠鼠燥,我之前都好相信,但近來會諗係咪真係.
一來研究既實驗就冇”熱氣”呢樣野,所以唔會有書本記載,二來有d懷疑會唔會係鼠店想人買野而咁講呢?因為鼠店講既野,未必真實.
不過食得瓜子or花生多我都會覺得唔好,因為好易做成肥胖, 過肥既話其實好唔健康,好多病都會因為咁而有既,所以唔好亂咁俾野鼠鼠食,我覺得只係俾主糧已經好足夠,主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病.

而蔬果我都覺得唔好,原因如下:
1)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.
2)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
3)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份,又或會對鼠鼠係太刺激食物等,食得唔健康好易病既.

2007-05-27 01:33:09 補充：
仲有,鼠鼠病都會叫,都要檢查清楚

牠們平時是不會無故吱吱叫的，只會在疼痛或威嚇時才會叫，例如在打架或受侵擾的時候。不過初出生的幼鼠是會哭喊的啊，但我只覺可愛，不覺嘈吵！

牠們平時是不會無故吱吱叫的，只會在疼痛或威嚇時才會叫，例如在打架或受侵擾的時候。不過初出生的幼鼠是會哭喊的啊！

I do not Know.Sorry......