舊朋友樣衰咗認唔認番佢好?

我都同意kiki 諗法, 有無聽過「十八無醜婦, 男兒腳下有黃金」呢句說話,檥貌並不重要, 最緊要係內心, 比你個樣係天仙咁又點, 個心把口衰到貼地, 有d重似靚行兇, 你要唔要, 係你你都揀唔靚心地好那位拉,
那個賣多多廣告我唔鐘意佢既內容, 教壞人不突止, 重會影響小朋友思想, 佢地一見到個樣唔靚既, 佢地可能一句無心之失, 會講出口, 乜你咁樣衰架,你唔通鬧佢咩,

樣貌靚與醜都要識, 當然靚既野望落去都開心d既, 樣衰唔係罪過,
不過記得提醒自己, 心裡面話人樣衰時, 自己個樣係咪好「正」先

我都覺得離譜，有乜理由變得o甘肉酸得o架？
冇哨牙點會變左哨牙o丫，你話？
成個廣告o既concept 都好有問題，點可以以貌取人丫？
細路仔睇左會有樣學樣家馬！

我諗你有一個誤會了......

就係呢...個個男仔係佢的舊男朋友,

舊朋友同舊男朋友係唔同的,

舊朋友樣衰咗,認番都冇咩所謂...

但舊男朋友樣衰咗就唔好認番啦,因為都係同佢拍過拖,雖然而家唔係,但見番以前的男朋友咁唔令仔,仲有d樣啊...所以俾我都唔認啊..........

個廣告做得誇張姐.....邊有可能個男仔變得敢老呀...- -
好果係真...我一定認佢...
不果點都係個廣告誇張lo..
你諗下...佢地係同年架...冇可能個男仔冇啦啦老在敢多..

見人樣衰唔認人當然係唔岩la.. 樣衰唔係罪過.. 不過個廣告係男同女相認.. 可能有少少男女關係既元素o係裡面.. 就唔係普通朋友相認咁簡單.. 但但廣告個concept都唔係好岩.. 真係會令細佬仔誤會, 見人樣衰就唔同佢玩咁.. 唉.. 細路仔唔識唸咁多野嘛.. 好易照單全收啊~