澳洲自由行-7天

如果只有七日，來回飛機飛咗兩日，由北玩到南，跟團都趕唔切，自由行一定去唔晒（除非你唔使訓，將d時間全部坐內陸機飛來飛去，澳洲由Carins飛到Melboure唔停站都要飛５個鐘呀，出入機場市區又要時間，停咁多個點真係玩唔晒架），旅行切忌貪心，走馬看花結果乜嘢都睇唔到，冇回憶．

取捨嘅話，要睇下你鐘意D乜嘢啦，如果鐘意戶外／水上活動，去Carins，同埋去Gold Coast個海灘滑浪（北部），如果鍾意睇嘢，去Sydney同埋Melbourne， 順便去埋Philip Island（南部），如果鐘意去Theme Park，咁唔好去澳洲啦，香港好玩過．

個人覺得Carins值得去（大堡礁唔係Carins最靚，不過配套設施做得最好），七日可以由Carins入（玩三日，出海一日，熱帶雨林一日，一日游下水relax下，玩下其他嘢），再由Carins飛去Sydney（玩兩日，觀光，遊船河，爬Sydney橋一日，去藍山一日），由Sydney走（或者Sydney入，Carins走），因為兩個地方有機直飛香港，唔使轉機（Carins唔係日日有），其他地方下次先去啦，咁你既可以玩戶外活動，又可以睇澳洲地標．

2007-05-26 22:17:15 補充：
我未試過玩得咁匆忙,亦未試過響香港though agent訂當地local tour,未必可以俾最佳意見你,以下意見俾你參考下.如果係響Carins出去大堡礁,或者入熱帶雨林,當地有好多團,你可以上網查下,訂定先,或者去到入住既地方(酒店或者Motel),佢地都可以幫你訂,你既行程比較趕,響網上訂定會穩陣D(不過你要知道你住邊,佢地先可以搵車去接你),如果真係想去到先訂都冇問題嘅,我試過半夜三更去到,要酒店幫我訂第二朝晨早出發嘅團,都OK.

2007-05-26 22:17:38 補充：
不過真係要注意,六月澳洲係冬天,去大堡礁水溫可能得十幾度,你最好帶埋潛水保暖衣(wet suit)去,另外就係,如果到時天氣唔好,出海團會臨時取消,會掃興囉(我試過,專心去到,出唔到海,乜都冇玩過就返轉頭,激死).去藍山唔太受天氣影響,Sydney市區(或者小輪碼頭附近)有好多agent報團,或者叫酒店幫你訂都得,爬Sydney橋就最好響網上訂定先啦(因為有限定人數,有時都幾full,而且只有一間做,唔使揀,無得格價).基本上,識英文,澳洲自游行都好易玩,唔使太擔心,如果你有禮貌,基本上D人都幾nice.

2007-05-27 13:52:17 補充：
有人試過七月去,話好涷,就咁著泳衣,只可以玩一陣.wet suit唔知有冇得租,不過如果只買上身背心(響香港買),最平大約兩百幾蚊,全件長袖(潛水衣),大約五六百蚊,或者你上網book tour順便問埋,如果佢話冇得租,就話唔join佢個tour(佢地一定有辦法,嗰度咁多人玩潛水),再唔係就問朋友借(香港都好多人玩潛水).著wet suit裡面梗係要著泳衣啦.如果真係冇wet suit,咁求其著多兩件緊身,膠質重D既衫落水,一樣可以保暖.

remember its winter in australia now~