沙巴自由行問題

我知道小小,因為我前晚先去完沙巴返黎,
我地住nexus,知道係有得騎馬,但係冇問幾錢,

d島仔既收費處見到寫左水母季節,但係可能我地浮潛,所以見唔到

我地自己去市中心個碼頭join去島仔,係市中心地圖沿海既右手邊,差唔多去到貨櫃碼頭,
一去到碼頭既右手邊有個好似商場既,內有好多個櫃檯,我地就係參加8號櫃檯,去一個島仔船費每人RM 17+RM 6碼頭稅,去2個島仔每人RM 27+RM 6碼頭稅,全部唔包食,要比入場費RM10,keep住比錢張飛就可以去晒d島
我地分開2日去左3個島,
第1日去Mamutik都ok靚,有少少魚仔,不過好似冇野食
第2日去沙比島好多魚,但係好似太多人去啦,所以覺得有d污染左,有自助餐同一個茶檔
Manukan好靚,好多魚,一入去就有人帶去換衫,換完衫仲會帶你去張枱放好d野,之後就可以自己盡情玩,岸邊都有好多魚仔架,不過最好著救生衣游到去水泡既位置先可以見到靚既珊瑚,識游水都最好著,因為都離岸幾遠下,d水都好深,如果唔係會唔夠氣
呢度有bbq自助餐同馬來西亞餐,仲有一個賣魚蛋炒麵既鋪頭

我地自己係市中心個碼頭join激流,係8號櫃檯樓上2樓最右手邊個間鋪join,我地玩Padas River,係3級,每人RM170,包車費及一個bbq lunch,你只要話比佢聽幾時出發,佢地會派人同大旅遊巴士去酒店大堂接你,帶你地去
我地當日既行程如下:
早上7:30係酒店大堂等,等到8點架big bus先到,之後坐1個半小時既big bus去火車站,去到火車站要等多一個鐘先有火車,去到火車站既時候,我地唔見左個帶我地搭車既人,我地淨係知要等,我到差唔多有車既時候,就見返帶我地既人,呢架火車遊客係唔使比錢既,係一架又殘又舊既火車,冇冷氣,我地個日因為有太多遊客去玩激流同有太多本地人坐火車,所以我地爭唔到位,有d要企,非常辛苦,要到中途有人落車先有位坐,所以最好係火車既中間位置上車會較易爭到位坐,大約1個鐘多d就會去到中途站,d遊客同導遊都全部落晒車,就係呢度換衫同放低所有物品啦,之後再上返同一架火車,不過而家開始要坐係火車頭後面個卡露天既鐵板上,暴曬多幾個字車程先到上游,一落車會比d西瓜,香蕉同一支水比我地飲飲食食,之後就著救生衣同頭盔跟導遊出發,佢會去到架艇度先講你知點做,佢地會幫我地keep好d拖鞋,之後就下水,玩左成個幾鐘,激流既終點就係我地頭先換衫既地方,之後就有人準備好食物比我地lunch,之後就搭返頭先架火車返去,回程唔知點解少左好多人,有位坐之餘仲好鬆動,因為落大雨,所以冇咁熱,之後原車車返酒店,我地早上7:30出發到晚上7點幾先返到酒店,所以最好預一日時間玩,
玩完激會有一張證書架,佢地會有專人第2日送去酒店比我地,如果收唔到,就打返電話比報名個間野,佢會比返你架,同埋玩既時候有人會幫我地影相,佢地會問我地買唔買,RM50 1set 6張,當晚就會send到去酒店比我地

我地去左5日,但係冇去神山,聽其他遊客講,會車去神山山腰,訓一晚,零晨1點起身開始爬山去睇日出,所以我諗去神山應該係要過夜掛.

希望幫到你啦~~