三代法國球皇: 方婷, 柏天尼和施丹

方亭係法國一位著名前鋒，於一九五八年世界盃一屆賽事中射入十三球，至今都仍然係一項紀錄，可惜佢亦只係參加過嗰屆世界盃。
柏天尼係現時嘅歐洲足協主席，球員時代曾經以隊長身分帶領法國國家隊踢世界盃，但從未攞過冠軍。佢亦係一九九八年世界盃籌委會主席，當屆法國攞到世界盃冠軍。柏天尼踢進攻中場，個人技術唔錯，同施丹一樣，佢亦踢過祖雲達斯。
施丹最出名當然係轉身啦，除此之外佢射術亦都係一流，入過唔少靚波，同時，佢嘅助攻能力亦都係世界一級。
個人認為施丹並唔可以同柏天尼或者方亭比較，因為方亭係前鋒，專責入波，另外兩個係中場，好難比較。
方亭攞唔到世界盃，其實真係有啲唔好彩，佢哋當年入到四強，對住有比利壓陣嘅巴西，方亭已經算唔話得，喺巴西身上都入到波(無記錯入到兩球，但唔肯定)，但最終都係要輸。
柏天尼攞唔到就係輸在班隊友唔夠好，一九八二年入到四強互射十二碼輸俾西德，一九八六年世界盃四強嘅時候再輸多次俾西德，所以攞唔到都無辦法，唯一唔同嘅係，八二年佢哋攞第四，但八六年就攞第三。　

我最記得當年柏天尼布帶領法國隊在1986年世界杯八強挑戰巴西，被譽為足球史上其中一場最精采比賽，結果兩隊劇戰120分鐘打成1:1，法國在互射12碼勝出，當時法國被捧為奪標大熱，但因氣力虛耗過度以至晉級後對西德的比賽走樣，輸0:2出局。之後柏天尼退休，法國進入青黃不接期，連續兩屆世界杯都在外圍賽出局。