請問GUCCI 容易過LV 爛

老實講,5-6年前我都會買過pc d 野, 不過而家就一定唔會,點解,好簡單
1.我買名牌心理係有d 虛榮感,
2.其次係靚,
3.人靠衣裝,佛靠金裝.
4.提高自信心
哈哈,題外話講完.5-6年前開始 pc d 野我眼見超多中學生,連阿嬸都買得起,
帶上身cheap 曬. 而且pc 之前有大減價, cheap 曬.
,你知唔知lv 點解咁耐都可以有不敗傳奇,其中就是佢一定唔會減價.
所以而家一定唔會買pc d 野
gucci 之前都無咁多人買,不過佢又係減價,而且名牌中算ok,而且有減價,又唔會太貴.所以越來越多人買. 都係個句, 中學生比較好少少既,就會買gucci 返學. 所以又係cheap 左d 咁.
眼見勁 多人用,所以.....
所以我而家都唔買pc 同gucci 就係呢個原因.
lv 好處 : 你賣出去一定值返錢, gucci 都無咁值, 可以話有價無市. 而且有減價,所以2手市場都唔係太好. 所以我覺得買lv 比較好.
係呢度講多少少野,唔好介意, 其實真假lv 如果睇得多用得多就睇得出, 我可以話一睇就睇得出, 勸如果買假野既人就真係唔好買勒, 因為買名牌既目的係邊, 我相信大部份人都同我差不多, 而且買真野有2手市場. 用上10年8年都ok ,而且又可以收藏,或者2手市場.買假野就無勒.
而且lv 的售後服務都好好多.爛左袋有好多地方都可維修,可是要估價.
其實你想問gucci 抵唔抵,睇你心態la. 如果係求其用咪買gucciｌａｗ
你諗住可能賣出去lv 當然比較好價.記得要拎返張收據. 最好唔好去ymk 個d 買水貨,去專櫃買la. 有保證之外張收據你賣返出去時,好多人都係睇個張野先信你係真.
雖然貴d 不過有人試過係水貨點買到假野, 而且就算真野, 你上網賣去無收據,無咁值錢.

支持 mike 所講既野
而我絕對可以肯定 Gucci 係易爛過 LV

假設一個粗人, 日又用, 夜又用, 月月用, 年年用
LV未必會爛, Gucci一早掉左去垃圾桶
LV 既 Monogram 帆布, 用最堅韌帆布物料製做
保証全面防水及具有高度抗劃花特性
Gucci既PVC.....保証d咩野? 一年保養, 就是這麼多

曾有一個網友問我有關LV修理
佢嫲嫲有個LV子母袋用左十幾年, 爛左條帶扣, 問我有冇得整
我話有, 叫佢拎去專門店整, 最後用左$700換左兩條帶扣
從中可以了解到LV用左十幾年只係爛左條帶扣
Gucci亦都有好多人問維修問題
好多都係問袋角磨穿左個洞有冇得修理
佢地個袋只係用左兩三年左右
如果去美國 ebay.com 睇睇
你會發現有好多用左十幾年既LV拍賣
最老既我見過1982年既 speedy 袋, 仲係好完整
十幾年既Gucci就少之又少
唔怕老實講, 我朋友去歐洲買Gucci走水貨
每次都要check下有冇甩線, 每次都會發現更有一兩個袋有問題
新袋都有甩線你話死唔死, 我覺得Gucci真係物非所值