我想問有咩方法可以將條 {銀練} 洗番靚

我有個朋友係做銀飾批發同零售,佢教過我如果0的銀飾變黑,可以試吓以下三種方法:-

1. 去買條抺銀布 (一般大百貨公司都有,幾十蚊大大條,有排抺,對我地黎講亦都係最簡易0既方法)

2. 通常0的專賣銀器0既舖頭都會有一0的洗銀水,你試吓攞條錬去你買0個間舖頭度叫佢幫你洗 (呢個方法最有效最方便,會洗到條錬好似新0既一樣,不過要注意,唔可以成日洗,因為洗銀水入面含有化學物,如果經常洗0既話,會影響條錬0既質量變差,所以我只建議你耐唔耐先至洗一次,如果條錬慢慢變黑,你就立即用抺銀布抺,經常將條錬保持最佳狀態)

3. 去舖頭買'七姐粉',一0的白色粉狀,用布占0的粉黎抺條錬,但比較麻煩,好處係0的難抺0既位置都較容易抺得乾淨

另外,想0的銀飾keep耐0的,又唔會經常變黑,你就要勤力0的將每件銀飾放入密封0既袋入面,0的銀飾無遇到空氣就無咁快變黑0架 : )

和我以前看過的答案十分接近，但已忘那篇完整內容。

姑且給予中評，反正不知他是否抄襲回來的。

用牙膏, 方便快捷.

要拎去金行, 他們會用洗金水洗, 是一種化學劑, 洗完條鍊就會閃返哂, 自己做唔到的.

可以買樽洗銀水,十元八塊.亦可用牙膏擦,效果不錯的