關於失真既問題

關於失真呢個問題又確實係幾抽象．．．
我盡量去引用一些例子去解釋一下！＾＾

以麥克風─咪為例，當然係越貴越靚啦，
一支幾十幾百幾千甚至幾萬蚊紅館歌手用既咪，
分別在於佢地既收音功能，越貴既咪就越似哿個人把原聲，
即係失真情況會越低，質素越好。
我地有時拎起支咪黎唱，話唔似自己把聲，
呢Ｄ就係所謂既「失真」喇！

以收音機、電視機為例，由發射站發射無線電波去到您屋企既半路，
可能會遇到一些不能穿透既野，導致訊訊號流失，去到您條天線，
再去到電視哿陣，畫面就會出現鬼影、雪花等等；收音機會有沙沙聲．．．
呢Ｄ就係所謂既「失真」喇！

以卡式錄音機為例，係以卡式錄音帶作為錄音的媒体，
而佢既錄音質素比較差，通常會有沙沙聲、高音變濛。

以卡式錄映機為例，係以卡式錄映帶作為錄映的媒体，
而佢既錄映質素可接受，但都存在失真問題．．．

以ＤＶＤ映像燒錄機為例，
都存在失真問題，主要係睇您用
高格式（大容量）定係用
低格式（細容量）燒錄，
格式越高畫面越靚越細緻即係失真程度較低，
格式越低畫面越濛越粗糙即係失真程度較高。
而數碼相機、數碼攝錄機等等，
大致上同ＤＶＤ燒錄機差唔多，
主要係睇您用乜野格式黎決定相片同埋短片既質素。

大致上失真就即係指：
與真實的情況有所不同，通常係指質素差左（衰減）．．．

至於有邊Ｄ器材失真比較嚴重：
留聲機、唱片機、卡式錄音機等等呢Ｄ舊野。

而有Ｄ乜野歌會失真呢層：
懷舊歌啦！
以前Ｄ錄音室冇咁先進，音質會差好多，
至於點解有Ｄ人鍾意聽「黑膠碟」係因為「質感」問題，
同「質素」（指音質）無關！唱片既失真度都幾大架，
如果唔係劉嘉昌老師都唔使特登走去錄過晒佢Ｄ懷舊金曲啦！

走音就唔算係，即使點樣走音都係您自己把真聲，
呢Ｄ只係歌唱技巧上既問題，與失真拉唔上關係。

2007-06-07 13:19:34 補充：
以麥克風─咪為例．．．越貴既咪就越似哿個人把原聲，即係『失真程度』會越低，質素越好。係「失真程度」而唔係「失真情況」！同音字：佢係【劉家昌】老師　　　　唔係【劉嘉昌】老師

2007-06-07 16:33:38 補充：
ＶＣＤ格式光碟都存在失真既問題：將原有既龐大數據壓縮變細，成為壓縮檔案，映像聲音都較為粗糙，但失真程度可以接受。換言之，所有經過壓縮處理既數據同埋檔案都會出現失真情況。

2007-06-07 16:34:06 補充：
ＣＤ：非壓縮、非檔案形式存放數據，加上目錄黎記錄數據位置。ＭＤ：以壓縮但非檔案形式存放數據，加上目錄黎記錄數據位置。ＶＣＤ：壓縮檔案ＭＰＥＧＭＰ３：壓縮檔案ＭＰ３

2007-06-07 17:04:38 補充：
重有，我唔係好明您問既插聲係咩野，我估您想講喇叭拆聲，拆聲當然算係失真。不過香港人通常唔會用失真呢個生字，通常用喇叭拆聲居多，係我地既獨有文化。

What you are talking about is loss of information. It can happen in any AV products, including camera, video camera, TV, DVD player, CD player, speakers, projector, etc. The loss of data is that when the AV products are not well made, some of the source cannot be truly and fully reproduced and therefore lead to some loss of information and finally affect the effect. In fact, it can also happen in musical instruments when pianos, violins, etc., cannot reproduce the right tone.