魚街想買陰草

$10袋o既絕大多數都係陽草。有乜辦法咁平，就係生得快，收割密，從而價格低ｄ。陰草生得慢，自然價錢較高。
陰草其實冇好多種，一般都係鐵皇冠（唔係皇冠，另一種o野o黎），各種莫絲，蕨類（鳳尾／黑木蕨等）同水榕類。紅色o既草多數都係要較強光先種到，唔駛諗；但可以選擇暗紅色o既椒草，呢類草多數比較耐陰（例外如迷你椒），葉有ｄ啡或暗紅，但價格就較貴，亦唔係間間鋪有得賣。
莫絲$30內都有一大包，賣舊沉木同一排幼魚絲，扎好後入缸就得，一個月左右就會食實木頭表面，即可剪走魚絲。但莫絲因為好多細支葉片同好多層，往往藏污納垢，如果係細舊木的話建議成舊木抽出o黎輕輕o係抽出o既水中揚下，會有好多屎．．．
圖片參考：http://hk.yimg.com/i/icon/16/17.gif


2007-05-25 23:36:03 補充：
邊間鋪有就唔答得架啦．．．但係魚街多水草賣o既數埋都係三四間鋪，行一圈就見哂。去前可以上網睇下相先，以免被點：http://www.aquariumfarm.com/coppermine/thumbnails.php?album=6有個論壇圖庫，但可能要登記先入得。