牙膏廣告中的醫生係咪真係醫生

醫生係唔可以用或幫自已嘅專業資格賣廣告. "賣廣告"意思係包括 (1)幫自已賣廣告. 或(2)以佢專業知識 / 身份幫某一隻目佢專業資格有關的產品 / 機構 / 服務賣廣告.
(1) 好明顯啦! [陳大文醫生好! 陳醫生專醫性病, 斷尾頂呱呱!] 呢d廣告一定唔得.
(2) [陳大文醫生誠意推薦高帽潔牙膏, 刷得白時重防止Cancer潻!] or [陳醫生推薦大力士安全套, 有效避孕時重防止性病潻!] 亦係違規.
但係, 醫生係可以用自己姓名替某一隻與佢專業知識 / 身份無關的產品 / 機構 / 服務 賣廣告.
Eg. [陳大文醫生誠意推薦唐記鮑魚, 好味又富貴!] or [陳醫生誠意推薦來來酒店, 偷情聖地, 服務一流!]就唔算違規. 至於有無醫生咁九唔搭八幫酒樓賣廣告, 就唔知啦!
如你有留意電視廣告中, "醫生"有兩類: 一種係牙膏廣告字幕中的 "x醫生". 呢d多數係演員, 而非正式醫生. 因為大部份正式醫生都唔會為咗小小廣告費而拋頭露面, 兼俾同行笑佢好等錢使, 去推薦某一隻产品. 佢地都驚有人用左有事, 會要狽飛. 所以廣告中d醫生永遠得個姓. 隻产品有問題, 廣告商會走法律罅, 話果個演員姓陳名醫生, 唔係真正醫生, 廣告内亦無話佢係註册醫生. 你都唔知告邊個!
另一種係 "家庭科陳大文醫生". 呢d係正式醫生, 但你會見到佢地只會在廣告中形容某種病嘅成因, 病徵, 冶療方法, 而唔會推薦某種藥. 真正廣告會係臨尾果句 "...資訊由某大藥廠提供". 佢地通常同某大藥廠有關係, 先出面走法律罅 賣廣告. 隻产品有問題, 廣告商亦會走法律罅, 話果個醫生都無推薦我地隻產品!