搭飛機坐機尾有乜唔好？

有人會覺得坐機尾落機會慢... 因為要等其他人落曬你先落得機... 因為好多人想快D落到機,所以都唔會鍾意坐機尾... 再者,好多時因為飛機上面D洗手間同Galley都會係機尾,D人行來行去同洗手間都比較noisy,所以你好難休息...
以我坐飛機經驗... 我好多時都會睇機種先,睇下班機係點... 因為唔同機種,個洗手間同Galley位置都唔同... 所以我會上一上航空公司個網check一下先... 之後就睇機程,如果短程都無咩問題... 但係長程機就會搵D近Galley但係又唔太遠洗手間位,因為長程機訓唔到就食,坐近Galley好,而且洗手間唔太遠可以係位等洗手間用...
好多人覺得坐機尾就會慢... 但係其實分別又唔係太大... 因為你落左機都係要等過關,等攞行李... 可能同坐機尾無咩分別... 坐機尾有時重會一出到黎就已經攞到行李(唔洗等)...
而其實坐機尾都唔係太差... 因為好多時飛機派餐都會由頭同尾開始派,所以坐機尾有一個好處係你好多時都會攞到係鍾意嘅餐... 所以以我坐飛機observe到,其實機尾位係唔差,但係唔好最尾個行... 最好會係機尾(尾行前四五行)就好啦... 因為好多飛機Galley都係尾同同洗手間格左幾行,唔會太noisy... 如果Galley係中間就攞Galley同機尾中間D位...