倉鼠受傷.......

耳仔受傷係咪冇左一部份咁呢?如果只係咁,其實冇咩事既,我之前有隻鼠未戒奶已被打到冇左半隻耳仔,都一樣冇問題地生活,最緊要唔係打到耳仔附近流血.

不過都唔好因為咁而掉以輕心,有幾樣野我覺得應該做既:
1)仔細觀察
你都要檢查下所有鼠有冇其他受傷,檢查佢地既排泄物會唔會有異常,嚇親都會好易肚瀉既.

2)受傷流血
可以去寵物度度買一d外傷既藥,不過如果近眼耳口鼻就唔可以噴,用棉花棒搽唔到既話,可以睇下有冇一d口服既藥,見過有隻叫"外傷素",係加入d水度俾鼠鼠飲既,不過我都幾耐之前見過,所以唔知而家仲有冇.

3)受傷嚴重
如果情況嚴重,甚至有流血,其實都幾難止血,因為鼠鼠本身會爪會咬,如果不斷流血,好快就會失血過多...盡快帶佢睇醫生啦.
睇醫生既話可以考慮一下.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

4)分籠
再放埋一齊真係好易打死,原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
b)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
c) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
d)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.
e)如果係一男一女,鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.

2007-05-25 18:19:34 補充：
唔係次次鼠打交都會咁好彩,唔好心存僥倖,打交絕對地可以打死既.就算打唔死,打傷晒都唔好啦,點可以將鼠鼠當做寵物,卻又由佢得受傷痛苦呢?

2007-05-25 18:21:49 補充：
打到耳仔冇左一部份都冇事,係因為耳仔冇咩血管,冇咩神經線,鼠鼠得呢個部份打傷打當都冇咩事,其他部位絕對地唔同.

2007-05-25 22:41:02 補充：
我唔係好了解珍珠粉既特性,不過就覺得如果將珍珠粉加落傷口係有d問題1)傷口在耳,加粉入去,就好易令d粉入晒耳內,咁會非常危險2)鼠鼠同人唔同,細過人好多倍,咁究竟落幾多先安全呢?真係好難講,而且外用藥都唔係話亂用都冇事,亂用外用藥係會令皮膚受到感染,嚴重既甚至會有皮膚癌.3)珍珠粉人用既話有分外用同內服,而內服既珍珠粉如果用落皮膚度,係冇咩用既,因為內服既係好難用皮膚吸收.咁就算珍珠粉係好,用錯都唔會有功用.但唔好因而俾鼠鼠內服,因人內服得多都會中毒,鼠鼠咁細,可能好少都有好大影響

2007-05-25 22:41:25 補充：
4)與其唔知係咪真係0岩用,點解唔直接買專用藥呢?5)就算珍珠粉一日內攪掂個傷口,都唔=好好,傷口好得快,即係藥性好強,用藥太強都唔係好事呢.

倉鼠喜歡打架（尤其是幼小的鼠仔），那是正常的玩耍，不需擔心。但如果打架過份激烈，打得發出慘叫聲，甚至打出血的話，那就是打真架，必須立即分開牠們，替傷者塗消毒藥水。如果牠們打完又打，每次都打至你死我活，就只好將牠們分開飼養了。 >_

我隻倉鼠耳仔都好似損左,但冇流血, 但過左一排佢好好番,冇紅了.
如果問題不太大,佢可以自己好番, 但如果流血, 或者少左食野/出黎玩, 咁都係睇醫生好了

其實唔會有太大嘅問題,
因為我有隻倉鼠同另一隻倉鼠打完交,
損手爛腳,耳仔崩左一角,斷手指甲/腳指甲,流哂血,
都無事!
第二日咪又係生生猛猛,又再打過!

2007-05-25 18:21:10 補充：
如果真係流太多血,你有兩個解決方法:1)夠$$---帶佢去睇醫生2)唔夠$$---落藥房買D珍珠粉(或者叫珍珠末),去麥記問人攞支搞奶茶嘅spoon,then將少少珍珠粉倒在spoon上,好小心咁逐少逐少倒在鼠鼠嘅傷口度,咁第日鼠鼠就會生猛返!Good Luck!^_^

2007-05-25 18:23:17 補充：
補充一點:珍珠粉---係可食用果隻