法文問題!

一定係法國文化協會。價錢唔貴，＄１５００可以上３０小時。有１４個ｌｅｖｅｌ，　俾你由一個字都唔識學到可以睇法文電影唔用睇英文版。
我都唔經唔覺學咗年幾啦。
咁係咪好難就要睇你肯花幾多時間同你要學到乜嘢程度。你都知香港好多人學英文，但係可以做到教師又有得幾多人？基準試都有咁多先生唔合格啦
但如果你想學多種語文傍身，想話去歐洲玩嘅時候方便啲，又或者想讀啲名牌名嘅時候讀得啱啲，咁讀得年幾就可以幾好啦

我自己覺得唔係好易，因為法文嘅文法同拼音都同英文好唔同。但係好彩法國文化協會夠多ｃｏｕｒｓｅ，　好多課程可以幫到我，所以都好有興趣 。

我自己覺得學語言，包括法文，最好開始都係有專人帶住先．
如果你係指純音標ｇｅ話，就有番小小基礎先學都唔緊要（雖然我學戈時都係一開始就俾人教音標）
如果你係指ｄ發音規律ｇｅ話，咁就梗係越早學越好啦．

學音標我覺得係糾正讀音比較方便ｌｏｒ，最開頭反而打好ｇｒａｍｍａｉｒｅ更好．

如果你係自學，我建議你開始戈時搵ｄ帶聽聽，因為我覺得母語係廣東話ｇｅ話，須要頗多時間先可以純熟咁聽法文．

其實最抵係去工聯會學,$400有找連notes.

但係本人對法文略懂一二,一心想去再學好d 法文,就報讀咗工聯會(新蒲崗)的法文進階, 貪佢夠平...點知平野真係無好野,個亞sir講法文講到好似講英文,最大問題係d發音都錯,用英文併音去併法文字,簡直離譜...最basic "Francais = french" 這個法文字都讀錯,仲點教人法文?

若果你學法文係玩玩下,工聯會就係一個最平既選擇; 但若果你真係想學"好"既法文,最好都係去法國文化協會, 大約$1600~1700 有30小時,都ok,起碼真係法國人教, 但法國人講既英文,你未別聽得明,因french ppl 有好重既法國口音~ haha ^^

其實若想自學,市面有好幾本既法文書真係平靚正~

萬里機構出版的法文書我有兩本推介,連我d法國朋友都話正,發音超正!

1) 法語入門 teach yourself beginner's french (適合想學basic french and oral, $7X)

2) 天天學法語文法 (適合想學french grammer, $8X)
香港好多人遲過 16歲 才學，都可學得好，但要看好多因素，如你的英文根底，學習外語能力。上面位說得對，要學好法文，先要英文好，才會容易，否則學到半桶水就無乜用。外語都是易學難精。法文哪方面難學？

首先，法文的發音和英文好不同。法國人最怕是英美人士講法文，講到好似英文咁，對佢地好大侮辱。還有，法文個 R 音是用喉嚨發，好多中國人都唔多掂，因中英文都無這個音，16 歲或之後才練有困難，不是個個練到，但練不到也不緊要，可用 H 音代替，也可講到法文，法國人聽得明。發音不是最難，文法才難，像英文，好多人講得好，寫未必精，多有錯。法文的文法又和英文好大分別，真是考起好多人。香港又少有針對法文文法教的老師。


除了英國，德國人也愛說英文，瑞士也較多人說，此外其他國家就真是少人說，識講也不想講，民族自尊問題卦。不過唔講英文唔代表識講和聽法文。歐洲的新人代多學幾種外語，但也是易學難精，有些人可能學西班牙語，有些德語，有些法語。

你想學法語便要學得好些精些，如想在歐洲讀書工作，便要在法國文化協會學返幾年，有金錢時間再去法國讀書。金錢和時間是重要因素，無便萬萬不能。有了基礎，去到法國便好快上手，聽講一定無問題。想學好外語，一定要去那個國家浸一浸。

要看你學語言的目的，和想學到甚麼情度，如果只是樣樣學些懂些，不用上課程也可自學，但真的想學來用，去讀書工作，便要選定一種語文，學好再考慮其他。有了法文的根底，如有需要到其他歐洲國家旅行，買些旅遊用的外語書也足夠應付，不需要真的去學。
在未了解法文前，我也覺得法文讀音較英文難，但熟習後就認為法文拼音其實比起英文易得多了！你只要多加注意法文的連音就可以了！
這個網站有提供邊聽邊看的功能，對於學習拼音也有一定的幫助：http://french.about. com/
你提到的<<法語入門>>，我也有買過，是一本不錯的書，只要你用心學習，相信這本書真的幫到你，像我學了法文一段時間，有時候我也會再看看這本書！（看中文總比看英文或法文好...）
而我不認為讀課程的學生一定會較好及快，最重要是你有沒有用心去學，我也曾到過法協學，但感覺上學生質素好壞參半！
以前我不特別喜歡法文，學習法文覺得特別困難，但當我慢慢地愛上法文時，任何再難的語法也可以事半功倍！
所以，障礙不障礙是看你有沒有心去學！


有特別既原因要學法文嗎?
如果唔係必要, 我建議你先學西班牙語
因為西班牙語入手比法文易10倍
學左大概半至一年後才學法文一定會容易好多
因為兩者既文法十分相似, 同D生詞差不多, 只係發音法文比西班牙語難10倍
不過你掌握左西班牙語既發音, 自然就會易D領略法文發音

如果你從來未學過任何歐洲D語言(除了english) 就去學法文
一定會有困難...