酒樓大排檔啤酒妹，酒吧啤酒妹分別

其實各有各好o既
有d人覺得做大排檔free d
但係冬涼夏暖

至於做酒吧難唔難sale呀
就要睇下你去咩場喇
咁o岩撞著果間係你隻酒o既場就唔sale都大把人order
(因為好搞笑架,有d場個個都係飲果隻酒架,
又或者某隻酒會特別平架)
加上做酒吧會有禮物送
所以都多個point去sell人
但係講到雜唔雜呢就要諗一樣野喇
去酒樓大排檔o既人主要目的係食野
所以就算撩你都只係會撩你一陣
或者久唔久撩下你
而去酒吧o既就係一心落黎開心或者識女仔
所以你可能要同佢吹一輪先sell到架
但係個感覺就會好似柴娃娃咁樣玩多d囉
習唔習慣就要睇你本身o既性格喇
因為我有d fd做開酒吧o既
不嬲sell酒都係sell到玩晒野咁
之後做咩酒樓又係用返呢d方法
但係人地一家大細去食飯
就搞到d客人唔係咁鍾意
所以其實要睇返你o既情況

不過放心啦
其實都唔會好難做架咋
因為我都好fd都做得好好^^

大排檔同酒吧最大分別係客路，如果係出名大牌子sale酒應該唔會太大分別。
大排檔或者酒樓D客通常都係食下飯吹下水，唔會太麻煩。
但係酒吧就係英雄地，有D客飲大兩杯就會扮大佬，又呢樣又果樣，仲有好多狗公自以為好醒好有型，想著數搏下懵，所以做酒吧除左sale酒之外仲要有應對的技巧；不過酒吧都要向你公司交待唔想出事，有乜問題就要即刻搵酒吧D負責人幫妳啦，佢地通常都會搞得掂既！
仲有，酒樓同大排檔通常都係11至12點收工，但係有D酒吧要做到兩三點架！
如果妳係新人，就要多D請教下家姐，或者同D姊妹交流下啦。

酒吧就一定會比人撩得多d架啦，可能又會有人等你放工，又要拒絕，好麻煩，由其你係靚女。大排檔同酒樓都差唔多，都係正常做野，唔駛比人撩咁多，e間酒樓唔好做咪做第二間，工作始終安全至上好。