我好唔開心呀!

你咁樣做當然係啱啦～～但唔好做得咁明顯，唔使用到刻意．．．只要用平常心對佢地就得得啦～～
如果你真係同果個結左婚一齊，咁你咪做左破壞人地家庭既第三者，所以萬萬唔好同一ｄ結左婚既男士走得太埋，否則會俾人誤會你對佢有意思．．．
你可以多同女同事多ｄ，咁佢地都可以成為你既好朋友，不過我相信如果你早ｄ搵到男朋友，咁果ｄ男同事就會知難而退啦～～

你好　我想話我情況同你差不多　都糸想同公司ｄ人關係好ｄ
主動同佢地傾下計 希望可以和諧d 一齊做野 但糸佢地都糸冷淡
吾多理我 埋首做野
我都吾知點解 亦無方法去解決
咁我自問冇錯 亦做了該做的事
都糸咁都無辦法
你仲好d 都有人話中意你
我想你都算靚女
你做人未必有問題
有時真糸人夾人緣　都冇辦法　

出來工作, 好難要求別人好似你咁想交友...
o向公司裡面, 唔樹敵已經好好....

不過, 如果異性同事熟落後, 都不約而同咁喜歡妳, 咁妳就要小心, 會唔會係妳自己待人態度太親切, 再加上有肌膚之親的話, 咁就更加容易造成誤會..... 如果你想避免呢種情況, 你需要同異性朋友之間有點避忌... 我見到妳之前的問題裡面話, 妳同同事之間有按摩, 咁人地當然會以為妳可以好容易接近啦.... 如果你公司有女同事的話, 佢地分分鐘話妳發姣都唔奇....

做朋友, 尤其係男女之間無親蜜關係的朋友, 就更加唔應該有身體接觸... 打打鬧鬧, 都會令人誤會.... 希望妳會明白, 知道點去建立正確的"距離".... 如果仲有咩唔明, 再以到我的 profile 果度, send email 俾我...

我諗妳都可以同佢地講，話大家可以係好朋友。可以繼績由他們對妳好，對一個人好/喜歡一個人絕不是罪。
不過最重要嘅係，有幾多個真係值得妳同佢做朋友/好朋友/知己? 始終公司是辦公和向上爬的地方，如果唔係性格、人品、做事都是值得欣賞或好夾，我個人就無主動去想和公司的人做朋友。
至於妳話點解會咁多人鐘意，我覺得靚女固然搶服，但性格和態度其實相當重要，所以可能妳性格和態度都可愛啦！
同事嘅嘢，大家工作合拍同有默契已好難得，交到朋友已是萬幸，知心是可遇不可求了。我算好好彩，朋友/知心/喜歡的人都識到
希望幫倒妳。

對人好唔係問題,問題係對人好的程度
你同人玩,請人食野,講笑是發自內心定為討好他人,其他人唔會知
最清楚都係你自己,但可能就係因為你對人太好
比人誤以為你討好人都不出奇
而你又會否對某幾個人特別好呢,尤其是男仔?
如果係的話,正常人都唔鍾意甚至反感

另外,你提及到你本人的性格屬較靜的一類
會否有時你想同人玩就無問題,但人地想同你玩時你又好靜好被動唔show人呢?
會的話,你自己都應該feel到個後果

然而,有男仔追你你拒絕的原因是無feel定其他?
你故意對追你的男仔冷漠,對你而言可能可以較灑脫,不用糾纏
但對身邊的其他旁觀者而言可能會覺得你"高鬥","眼過高"等等
令人覺得不順眼,破壞你原有建立的印象分

以上分析只是我個人推測,其實你想真正知道問題的源頭
應嘗試跟你的同事或一些旁觀者傾傾
可能更一針見血

你如果要求好好好既朋友，三個好喎，要求好高啫。
點解你只提到男性朋友，無女性好朋友嗎？你當初選男人做朋友，應明知男女之間好容易生情愫嫁啦。
靚女十個九個都驕傲，除非佢好靚(佢心目中都唔當你係野)，又除非你好醜，界符中間的佢都睇你唔起，唔多理你，佢地既生命軸心係佢地既裙下之臣。
多D參加D心理課程，去宗教團體活動，令自己生活得精彩，唔好成日唸公司呢幾個人。
我支持你呀