泰國Residence Rajtaevee Hotel

而家由於港元對泰元的匯率差了很多, 加上泰國的酒店普遍又加晒價, 所以一d平價但比較舊的酒店就開始被旅行社推薦了, 近來都見到好多以前想都唔會想的, 古靈精怪的酒店。
Residence Rajtaevee Hotel 屬於一間比較舊的酒店, 位於Pratunam區, 在Pratunam Fashion Mall向西行一段時間, 再轉入小路, 的士司機比較難搵。酒店比較舊, 行去BTS約15分鐘, 出入都係靠TUKTUK或的士為主。當然呢間酒店的唯一賣點就係比較平, 大約200元港幣一晚。
建議: 如果未book, 就不如改住IBIS SIAM, 差唔多價, 但新淨好多, 而且就腳好多, 樓下有巴士站, 搭三個站就到Big-C門口, 我見你其他post都係問四面佛, 咁去四面佛就夠方便了, 當然該區我的首選係Arnoma。
如果冇得轉酒店, 都唔緊要, 只要做定心理準備, 要求唔好咁高, 去到應該都可以接受到。如果去四面佛, 可以行去, 但太約要20分鐘以上, 亦可以搭的士或tuktuk, 不過唔係架架都肯載, 因為唔遠但塞車。特別塞車的話, 可以考慮tuktuk, 但要小心佢地車左你去珠寶店, 如果你唔願意去就一於say no. 費時浪費時間。果d珠寶店基本上係要你入去扮下睇野, 出返來, 佢地就會得到免費油券。冇乜危險, 但會浪費時間。建議最好都係唔好去, 除非你自己都想睇下, 但一定唔好買。
下面附上你間酒店的泰文地址同地圖, 但該地圖看似就腳, 但有誤導成分。

圖片參考：http://www.hotels2thailand.com/thailand-hotels-pic/HBK167_MAP.jpg