civic ek3 exi尾期款自動波有冇cvt??

老友：我在05 -06年間亦是上述車輛的車主，其實Civic99年前的車，全部都好好，當然包括Vti 啦，但有一樣唔好就是唯一的無段變速波箱。
我在Ｏ６年一個旁晚，揸住架 Civic Vti 在吐露港公路，當時在快線，行緊 110-120km左右，突然間架車比油也不去，於是慢留入左線，等拖車，檢查結果 "波箱打柴"要成個換冇得整，終於花了五千多元換波箱，換後成架車變晒，好似揸1200cc的車咁。
後來問了多間相屬車房，他們異口同聲都話：下次唔好再買無段變速的波箱，不適合香港揸的。所以閣下要仔細考慮。

有冇辦法知上手車主有冇欠罰款或停牌??
在辦轉名時，如有罰款是先要清還的，否則不能過户。

通常轉名費用應由買家或賣家負責(未有講清楚時)??
一般是新買家付的。

如果你架EK係配VTEC-E慳油引擎嘅, 咁你架車就可能係CVT. 要肯定係唔係CVT, 你可以睇吓波棍選檔係"D-S-L"檔定係"D4-D3-2-L"或類似嘅檔位. 前者就CVT, 後者就係普通自動波箱.

CVT有咩好有咩唔好在下以經喺另外條問題解釋過, 以下係該問題嘅link:
http://hk.knowledge.yahoo.com/question/?qid=7007050205361

CVT冇話咩特別要保養, 都係同自動波車咁保養. 不過有一點唔同嘅係唔好好似棍波或自動波咁去拖低個波做收車或加速, 因為本身構造都唔同, 而個selection slot亦唔係比你咁用. 除非廠方建議或真係有問題而換波箱油係解決方法之一, 如果唔係就唔好胡亂換波箱油.

Civic都冇乜要特別注意喇. 都好襟.

車身有石仔打花嘅痕跡, 可以去旺角黑布街附近嗰D汽車用品鋪頭買一鑵Turtle Wax出嘅polishing compound (白色盒, 綠色招紙, 或買類似產品), 用一條濕布揩少少, 打圈咁輕磨甩D花紋. 抹走多餘粉抹後再用噴劑嘅水臘打番枕臘上去就ok. 如果甩咗油嘅就買支touch up paint補番先. 記住補之前將D鏽刮走. 以上幾樣嘢都係幾十蚊有交易.

轉名時你係同賣家一齊去運輸署, 如果架車有罰款要交當時就可以查出. 至於車主有冇停牌, 其實同賣車冇關系.

轉名費通常由買家負責, 因為係你買個title番嚟嘛.

2007-06-09 05:43:15 補充：
Not even answering all the question.