我D英文好差,但悟知點提高我D英文成绩!邊個有好方法give　ｍｅ

雖然我唔知你既程度去到邊，但係有幾個方法個人覺得非常好，亦好想向您推介！
因為好多人一想學好英文就會好認真，花好多時間同金錢，但個人認為無必要！
希望你跟我呢幾個方法，輕輕鬆鬆學英文！^^

輕鬆方法一：閱讀
　　唔好比"閱讀"嚇親，初學者唔需要睇好深既文學具著，可以從報紙既副刊入手
，例如South China Morning Post（南華早報）既Youth Post，每日都有一兩則英
文笑話，唔沈悶又可以學英文。如果你覺得Youth Post唔難，建議你每日睇一，兩
篇，每日加上去，一日比一日睇得多，咁就會識多好多架喇！我都有睇，入面既文
章有學生寫既，內容雖然多，但係唔難！可以一試丫！

輕鬆方法二：聽音樂
　　外國既音樂係香港好易接觸得到，而且都幾好聽！建議你多聽收音機，聽
外語流行榜既時候搵埋歌詞，對住歌詞黎聽。聽音樂可以舒緩疲勞，英文歌同歌
詞可以比你學英文，一舉兩得！而且聽收音機可以邊做野邊聽，唔浪費時間；錯
過左都可以上網聽番，係一個好方便既學英文方法！如果你唔知從咩歌聽起，你
可以搵我(E-MAIL)，我可以推介比你既！

輕鬆方法三：觀看
　　有好多節目都會教人英文，而且仲要唔係用英文教，初學者好容易明白！例
如"反斗英語"，係一套好有趣既片集，學英文非常有用，向你強列推介！而除左專
門教英文既片集，我亦鼓勵你多收看英文既電視節目，如"全美超級模特兒大賽"，
或者明珠既新聞佈道，都係方便既方法。睇電影，可以選擇外語片連中文字幕，一
樣易睇易明！


呢三個方法我都好鍾意，而且係我既興趣！
如果你真係想試下咁樣做，歡迎你向我查詢更多！
不過學外語唔係一朝一夕既易事，希望你可以有恆心咁堅持落去！
加上每一樣外語要學得好，都要大膽講，比多ｄ機會自己講英文啦！

祝你"聽講寫讀"到好既英文！　希望幫到你啦！

好難講...有時睇唔明都話查字典姐, 聽唔到, 未必可以返帶 聽多次架....都係活學活用, 睇多d英文newspaper & 睇英文的 新聞報導lor....最淺的英文

你的問題好想學好英文,無論你現在是讀書還足上班工作,英文好重要,你可參加工聯會裹面的英文課程.它分一年春夏秋冬班四季都有得讀.你可之電1083問工聯會電話.它在各區都有班上的.又有証書比.如果不想上課.就常時一下每日學一個英文生字,一年後你會發覺自己識好多生字了.再學英文文法會好快提高自己英文成績,試下吧.努力呀.以上只是個人意件.