點樣先可以做到 藝人！

最直接的途徑，就是參加 TVB 的藝員訓練班，接受專業的演藝訓練。周潤發、劉德華、梁朝偉、任達華等，都是從藝員訓練班出身的。

若果要更高深的學歷，亦可以考慮選讀演藝學院的專門課程。黃秋生、蘇玉華、劉玉翠、陳國邦、張達明等，都是從演藝學院畢業的。

(其實你問呢條問題之前，都已經有人喺 yahoo 知識問過類似的問題，我都係建議你以同樣的途徑進入娛樂圈做藝人哩！)

2007-05-25 00:31:11 補充：
假如你係有演藝天份的，又夠膽又唔怕瘀嘅，咪不妨試試參加“殘酷一叮”嘅面試啦，反正參加佢地嘅面試係唔使比錢嘅。說不定你可以成為第二個喬寶寶哩！

2007-05-25 01:09:30 補充：
再唔係嘅，咪參加香港先生 or 香港小姐，做第二個鄭健樂、黄長興、黃長發、彭冠期 or 葉翠翠、楊洛婷、向海嵐、吳文忻、袁彩雲囉。又可以學游良維咁，參加一擲千金衰咗，被人發掘做咗電視藝員囉。假如你把聲 ok 、咬字靚、發音準確又好 talk 得嘅，咪試吓參加電台嘅 DJ 新人賽，做第二個蘭茜。有好多藝人都是在電台撈出名堂 ka，例如：王喜、森美小儀、卓韻芝、杜汶澤......

2007-05-25 01:32:48 補充：
仲有拍過廣告嘅邦民女 Crystal、Suki Tong 等......做 model 行 catwalk 影硬照封面，好似楊崢、黃家諾、甄志強、黃子雄......唱歌惦嘅咪參加 XX 新秀歌唱比賽囉，學吓黎明、Eason、李克勤、張學友......總之，入娛樂圈的途徑非常之多，問題係你如何 show off 自己而已！

點樣先可以做到 藝人！

其實可以有很多方法,
1.參加香港小姐 / 亞洲小姐選美
2.參加香港男士選舉
3.參加電視台的遊戲節目,
如殘酷一丁,一擲千金.
4.拍電視廣告,
5.參加電台的 DJ訓練班(用作跳板的台階).
6.入讀訓練班.

去報無線既藝員訓練班~!!!