關於 A-Level 文商科學科出路

讀中西史加兩科文學可選擇的科目有很多, 例如: 工商管理, 歷史, 語文, 文學院, 建築測量, 社工, 社會學, 心理學, 新聞及傳播, 日本研究, 文化研究, 哲學, 歐洲研究, 法律...  (如果中學讀商科, 但無讀任何歷史科, 你同樣可以選上述科目, 但係唔可以選浸大歷史.) 只係報份要求理科知識既科目就唔可以選. 例如: 精算, 醫學, 中大護理, 數學, 生物, 生物化學, 化學, 物理, 醫療化驗, 應用理科, 藥劑, 牙醫, 工程...

如果你將來文科畢業, 將來可從事教育工作, 亦可於商界工作, 亦可投考政府工. 文科畢業生亦可從事一些專業工作. 例如: 會計師, 但要走的路會比會計系畢業生長. 中文系畢業可從事新聞從業員及編輯工作. 

如果商科畢業可申請做各銀行Management Trainee, 去會計師樓做見習會計師或審計. 經濟系畢業可做經濟分析員.

如想知道就業情況, 建議你到大學網站看看, 但建議你不要盡信, 因為大學為左「省靚招牌」, 有時會故意突出某些特別的sample, 令有意入讀者有錯覺.

假若你想將來投身商界, 有時讀咩並唔係最重要. 好多非BBA畢業生都係首先係商界工作. 如果你兩文三語好, 分析能力強, 有國際視野, 對你將來從事商界工作有一定好處. 有時容唔容易搵食好睇你個人質素, 唔好以為讀有前途科目必定搵到一份高人工既工. 金融系畢業生有幾多人可以去投資銀行做? 一間名牌大學都唔係好多人入到. 甚至有部分投資銀行歡迎非商科畢業生聘請. 如果你質素好, 起大學入面肯充實自己, 知道市場需要甚麼的人才, 好好裝備自己, 你去邊都一樣有人請.

讀唔讀文商科要視乎你興趣, 能力, 同大學想入咩科. 如果將來想讀歷史系, 而且成績許可, 就建議你加一科歷史/中國歷史. 畢竟大學係睇成績, 面試表現同課外活動表現收生. BBA都歡迎非商科畢業生申請.

到你將來出黎做野, 語文能力係非常重要, 語文能力同解難能力好既畢業生永遠都系最渴市, 因為無論你做咩工, 都一定要同人溝通.

文學院畢業，好多工可以搵
可以做研究、教師，亦可以投考政務主任，選擇都好多架

至於ＡＬ點揀，要睇番你將來入大學
到底想讀邊一個學系多ｄ
例如你想讀歷史系，當然在預科讀過歷史會較著數
若想讀比較文學或中文系，中國文學又少不了